25 ءساۋىر 2019, 16:54 905 0 جاڭالىقتار اياۋلىم سالىقجانوۆا

دەكلاراتسيانى ءبىرىنشى رەت تاپسىرعان جەكە تۇلعالار ءۇش جىل مەرزىمدە قايتا تەكسەرىستەن وتپەيتىن بولادى

قازاقستان ەگەمەندىك الىپ، تاۋەلسىز مەملەكەت بولعانىنا بيىل 27 جىل تولدى. وسى كەزەڭ ارالىعىندا سالىق جۇيەسىنە كوپتەگەن وزگەرىستەر ەنگىزىلدى. سالىق – مەملەكەتتىڭ ساياسي جانە ەكونوميكالىق قىزمەتتەرىن قارجىلاندىرۋدىڭ نەگىزگى كوزى.

ەلباسى نۇرسۇلتان نازارباەۆ ۇسىنعان بەس ينستيتۋتتىق رەفورمانى جۇزەگە اسىرۋداعى «100 ناقتى قادام» ۇلت جوسپارى – بۇل جاھاندىق جانە ىشكى سىن-قاتەرلەرگە جاۋاپ، جاڭا تاريحي جاعدايلاردا ۇلتتىڭ دامىعان مەملە-كەتتەردىڭ وتىزدىعىنا كىرۋى جونىندەگى جوسپار. ۇلت جوسپارى ەلىمىزگە «2050» ستراتەگياسىن جۇزەگە اسىرۋ جانە قازاقستان مەملەكەتتىلىگىن نىعايتۋعا، جولدان اداسپاۋعا، كۇردەلى كەزەڭنەن سەنىمدى وتۋگە جاعداي تۋعىزاتىن بەرىك قو-رىن جاساپ بەرەتىن بولادى. جوسپاردىڭ نەگىزگى ماقساتى – مەملەكەتتەگى «اۋرۋلاردىڭ سىرتقى بەلگىلەرىن» سىلاپ-سيپاپ قويۋ ەمەس، سونىمەن قاتار ولاردى جۇيەلى ءارى تۇبەگەيلى تۇردە ەمدەۋ.

جالپى، ءۇشىنشى ينستيتۋتتىق رەفورما «يندۋستريالاندىرۋ جəنە ەكونوميكالىق ءوسىم» دەپ اتالادى. «100 ناقتى قادامدا» سالىققا قاتىستى بىرنەشە قادامدار بار، اتاپ ايتقاندا، 37-قادامدا «سالىق جانە كەدەن ساياساتىن جانە رەسىمدەرىن وڭتايلاندىرۋ»، 39-قادامدا «كەدەن جانە سالىق جۇيەلەرىن ينتەگراتسيالاۋ. تاۋار سالىق سالۋ ماقساتىندا قازاقستان اۋماعىنا كىرگەن كەزەڭنەن باستاپ ونى ساتقانعا دەيىن باقىلاۋعا الىنادى»، 42-قادامدا «2017 جىلدىڭ 1 قاڭتارىنان مەملەكەتتىك قىزمەتكەرلەر ءۇشىن، ودان ءارى بارلىق ازاماتتار ءۇشىن كىرىستى جانە شىعىستى جالپى جاريالاۋدى كەزەڭ-كەزەڭمەن ەنگىزۋ»، 43-قادامدا «سالىق دەكلاراتسيالارىن قابىلداۋ جانە وڭدەۋدىڭ ورتالىق جەلىسىن قۇرۋ. ورتالىق سالىق تولەۋشىلەردىڭ ەلەكتروندى قۇجاتتارىنىڭ بىرىڭعاي مۇراعاتىنا كىرۋ مۇمكىندىگىنە يە بولادى. دەكلارانتتار سالىقتى باقىلاۋ بويىنشا شەشىم قابىلداۋ ءۇشىن تاۋەكەل ساناتتارىنا بولىنەتىن بولادى. جاريالاۋدى ءبىرىنشى رەت تاپسىرعان جەكە تۇلعالار ءۇش جىل مەرزىمدە قايتا تەكسەرىستەن وتپەيتىن بولادى»، 44-قادامدا «جاناما سالىق سالۋ تەتىكتەرىن جەتىلدىرۋ. قوسىلعان قۇن سالىعىنىڭ ورنىنا ساتۋدان سالىق الۋدى ەنگىزۋ ماسەلەسىن جان-جاقتى زەرتتەۋ»، 45-قادامدا «كىرىسكە جانە شىعىسقا سالىق ەسەبىن مىندەتتى تۇردە ەنگىزۋ ارقىلى قولدانىستاعى سالىق رەجىمىن وڭتايلاندىرۋ» مىندەتتەرى كۇن تارتىبىنە قويىل-عان.

ەل ەكونوميكاسىنىڭ قوس قاناتى – سالىق پەن كەدەن ۇلت جوسپارىنىڭ ناقتى قادامدارىنا ىسپەن جاۋاپ بەرۋگە ءتيىس. ويتكەنى، قازاقستان الدىنا باسەكەگە قابىلەتتى 50 ەلدىڭ قاتارىنا قوسىلۋ مىندەتىن قويدى. بۇل جەتىستىككە دە قول جەتكىزدىك. دۇنيەجۇزىلىك ينستيتۋتتار بارلىق كورسەتكىشتەر بويىنشا تابىستارىمىزدى كورسەتىپ وتىر. ال ەندى ەلباسى وركەندەگەن وتىز ەلدىڭ قاتارىنا قوسىلۋ تۋرالى جاڭا مىندەت قويدى. سوندىقتان ۇلت جوسپارىن دامىعان وتىز ەلدىڭ قاتارىنا ەنۋ جولىندا جاسالىپ جاتقان تاعى ءبىر ۇلكەن قادام دەپ تۇسىنگەنىمىز ابزال.

ۇلاعات باراحان،

الاتاۋ اۋدانى كىرىستەر باسقارماسىنىڭ باس مامانى

سوڭعى جاڭالىقتار