22 ءساۋىر 2019, 11:07 967 0 ونەر Túrkistan Gazeti

مۇحتار بايبوسىننىڭ سۋرەت كورمەسى ءوتتى

ەلباسى كىتاپحاناسىندا قر سۋرەتشىلەر وداعىنىڭ مۇشەسى، سۋرەتشى مۇحتار بايبوسىننىڭ «ونەرلى ەلدىڭ وتى سونبەس» جەكە كورمەسى ءوتتى. بۇل تۋرالى قر تۇڭعىش پرەزيدەنتى - ەلباسى كىتاپحاناسىنىڭ ءباسپاسوز ورتالىعى حابارلادى.

كورمە زاماناۋي بەينەلەۋ ونەرىن قولداۋ ماقساتىندا ەلباسى كىتاپحاناسىنىڭ سەرىكتەستىك جوباسى اياسىندا ۇيىمداستىرىلدى.

كورمەدە مۇحتار بايبوسىننىڭ 30-دان استام گرافيكا مەن قولدانبالى ونەر جانرىنداعى ەكى نەگىزگى تاقىرىپ بويىنشا: اتاقتى باتىرلار مەن XIX–XX عع. قايراتكەرلەر بەينەسى، پوەتيكالىق جانە قازاقتىڭ ءداستۇرلى ساز مەكتەبى وكىلدەرىنىڭ بەينەلەرى مەن ۇلى دالانىڭ پەيزاجدارى قويىلدى.

كورمەنى ەلباسى كىتاپحاناسىنىڭ ديرەكتورى، ساياسي عىلىمدار دوكتورى ءامىرحان مۇراتبەكۇلى قۇتتىقتاۋ سوزىمەن اشتى:

«ەلباسى كىتاپحاناسىنىڭ سەرىكتەستىك جوباسى اياسىندا ۇيىمداستىرىلىپ وتىرعان بۇگىنگى ءىس-شارانىڭ باستى ماقساتى - ەلباسىنىڭ ۇلتتىق مادەنيەتىمىزدى، ونىڭ ىشىندە «رۋحاني جاڭعىرۋ»، «ۇلى دالانىڭ جەتى قىرى»اتتى باعدارلامالىق ماقالاسىندا كورسەتكەن قۇندىلىقتاردى دامىتۋ بويىنشا باستامالارىن ىلگەرىلەتۋ جانە قازىرگى زامانعى بەينەلەۋ ونەرىنە قولداۋ كورسەتۋ ارقىلى جاستاردى تاربيەلەۋ، ساباقتاستىقتى قامتاماسىز ەتۋ».

مۇحتار بايبوسىن الماتى قالاسىندا دۇنيەگە كەلگەن. بالا كەزىنەن سۋرەت ونەرىن جاقسى كورگەن ول 1987 – 1991 جج. ن.ۆ.گوگول اتىنداعى الماتى كوركەمسۋرەت ۋچيليششەسىندە وقىپ، سودان سوڭ 1991 جىلى اباي اتىنداعى الماتى مەملەكەتتىك ۋنيۆەرسيتەتىنىڭ كوركەم گرافيكالىق فاكۋلتەتىنە ءتۇسىپ، ونى 1995 جىلى تامامداعان.

ەڭبەك جولىن الماتىداعى قالالىق كوممۋنيكاتسيالاردى ۇيىمداستىرۋعا گرافيكالىق ديزاينەر رەتىندە باستادى. كەيىنگى جۇمىس نەگىزىنەن وقىتۋعا بايلانىستى. كوپتەگەن جىلدار بويى مۇحتار قايراتۇلى ولاردى ارت-گرافيكا فاكۋلتەتىندە قازۇپۋ-دا ساباق بەردى. اباي اتىنداعى الماتى ساۋلەت-قۇرىلىس ينستيتۋتىندا. ەلورداعا قونىس اۋدارعان سۋرەتشى ل.ن.گۋميلەۆ ەۇۋ-دە ءوزىنىڭ وقىتۋشىلىق قىزمەتىن جالعاستىرادى.

2011 جىلدان باستاپ مۇحتار بايبوسىن قازاق ۇلتتىق ونەر ۋنيۆەرسيتەتىندە جۇمىس ىستەيدى. قازىرگى ۋاقىتتا قازاقستان رەسپۋبليكاسى ۇلتتىق مۋزەيىنىڭ بالالار شىعارماشىلىعى ونەرى مەن مۋزەي پەداگوگيكاسى سەكتورىنىڭ قىزمەتكەرى. 2016 جىلى كەسكىندەمە بويىنشا ماگيستر دارەجەسىن الدى. 2018 جىلى سۋرەتشىگە قازۇوۋ-ءنىڭ دوتسەنتى عىلىمي اتاعى بەرىلدى.

سۋرەتشىنىڭ ءوز تۋىندىلارىنا كەيىپكەر تاڭداۋداعى قاعيداسى قازاقتىڭ باي مۇراسىن قادىرلەي ءبىلىپ، ونى كەلەسى ۇرپاققا قالدىرۋ ماقساتىنان تۋىندايدى.

«الەم كۇندەلىكتى وزگەرىپ جاتىر. وسىنداي جاعدايدا ادامگەرشىلىك، ۇيلەسىم، ءوزارا سىيلاستىق، سەزىمدى قادىرلەي ءبىلۋ قاسيەتتەرى بۇگىنگى زاماندا اسا قۇندى. بۇل قاسيەتتەردى ءبىز جوعالتىپ الماۋىمىز كەرەك. ادامي قۇندىلىقتاردى قازاق اقىندارى مەن كۇيشىلەرىمىز جىرلاعان. سۋرەتشىلەردىڭ ماقساتى وسى قۇندىلىقتاردى بۇگىنگى ۇرپاققا بەينەلەۋ ونەرى ارقىلى ۇعىندىرۋ»، – دەدى مۇحتار بايبوسىن.

مۇحتار بايبوسىننىڭ كورمەسى 2019 جىلدىڭ 17 مامىرىنا دەيىن جالعاسادى

سوڭعى جاڭالىقتار