17 ءساۋىر 2019, 10:38 815 0 سپورت Túrkistan Gazeti

گولوۆكيننىڭ كەزەكتى قارسىلاسى بەلگىلى بولدى

17 ءcاۋىر – «TÚRKISTAN» weekly. ورتا سالماقتاعى بۇرىنعى الەم چەمپيونى گەننادي گولوۆكين (38-1-1, 34 كو) ماۋسىمدا رينگكە ورالادى.

ول 8 ماۋسىمدا نيۋ-يوركتە (اقش) Madison Square Garden ارەناسىندا 35 جاستاعى كانادالىق بوكسشى ستيۆ روللسپەن (19-0, 10 كو) كەزدەسەدى.

بۇل تۋرالى تۋيتتەردە Yahoo! Sports ءجۋرناليسى كريس مەننيكس جازدى. ول DAZN ستريمينگتىك پلاتفورماسىندا - گولوۆكيننىڭ جاڭا سەرىكتەسىندە جۇمىس ىستەيدى.

ەسكە سالايىق، گەننادي سوڭعى جەكپە-جەگىن 2018 جىلدىڭ 15 قىركۇيەگىندە وتكىزدى. ول تورەشىلەردىڭ باسىم كوپشىلىگىنىڭ شەشىمىمەن مەكسيكالىق ساۋل الۆارەستەن (51-1-2, 34 كو) جەڭىلىپ قالدى.

روللس سوڭعى رەت 15 جەلتوقساندا رينگكە شىعىپ، تورەشىلەردىڭ شەشىمىمەن امەريكالىق كەاندر لەزەرۆۋدتى (21-6-1, 13 كو) جەڭگەن ەدى.

 

سوڭعى جاڭالىقتار