16 ءساۋىر 2019, 15:48 1055 0 ىشكى ساياسات Túrkistan Gazeti

الىبەك الدەنەي جاڭا قىزمەتكە تاعايىندالدى

16 ءcاۋىر – «TÚRKISTAN» weekly. الىبەك الدەنەي الماتىنىڭ قوعامدىق دامۋ باسقارماسىنىڭ باسشىسى اتاندى.

ول ءال-فارابي اتىنداعى قازاق ۇلتتىق ۋنيۆەرسيتەتىنىڭ جانە قازاقستان رەسپۋبليكاسى پرەزيدەنتى جانىنداعى مەملەكەتتىك باسقارۋ اكادەمياسىنىڭ تۇلەگى.

الىبەك الدەنەي ءار جىلدارى مادەنيەت جانە اقپارات مينيسترلىگىندە، «حالىقارالىق باعدارلامالار ورتالىعى» اق-دا، «سامۇرىق-قازىنا» ۇلتتىق ءال-اۋقات قورىندا قىزمەت اتقارعان.

2015 جىلدان بەرى «الماتى» تەلەارناسىن باسقاردى. وسى ۋاقىت ىشىندە كومپانيا اينالىمى 3 ەسە ءوستى. تەلەارنا العاش رەت وڭ قارجىلىق ناتيجە كورسەتە باستادى.

2018 جىلدىڭ قورىتىندىسى بويىنشا TNS Gallup Media Asia مالىمەتتەرىنە سايكەس تەلەارنانىڭ الماتى بويىنشا كورەرمەندەر اۋديتورياسى 1,5 ميلليونعا جەتسە، قازاقستان بويىنشا الماتى ارناسىن 5,5 ملن ادام كورەدى. «الماتى» ارناسى  ەل تەلەارنالارىنىڭ رەيتينگى بويىنشا الدىڭعى وندىققا ەندى.

باسقارمانىڭ جاڭا باسشىسىنىڭ الدىندا ءتيىمدى ىقپال ەتۋ مەن ازاماتتىق قوعام ينستيتۋتتارىنىڭ ءرولىن كۇشەيتۋ ارقىلى تۇرعىنداردىڭ قوعامدىق وتىنىشتەرىنە دەر كەزىندە ءۇن قاتۋ جۇيەسىن جەتىلدىرۋ، كەرى بايلانىستىڭ وزىق پراكتيكاسىن دامىتا وتىرىپ، قوعامدى كەڭىنەن تارتۋ دەڭگەيىن ارتتىرۋ جانە كونسۋلتاتيۆتى-كەڭەس بەرۋ تۇعىرناماسىن جەتىلدىرۋ سياقتى مىندەتتەر تۇر.

سوڭعى جاڭالىقتار