16 ءساۋىر 2019, 13:15 854 0 قوعام Túrkistan Gazeti

«رۋحتى شىعىس» جاستار ارت-فەستيۆالى ءوتتى

ۇلىلاردى تۋدىرعان قارت سەمەيدىڭ توسىندە، قارا ەرتىس بويىندا جاستار جىلى اياسىندا «رۋحتى شىعىس» جاستار ارت-فەستيۆالى بولىپ ءوتتى.

قازاقتىڭ باس اقىنى اباي قۇنانباەۆتىڭ ەسكەرتكىشىنە گۇل شوقتارىن قويۋمەن باستالعان ءىس-شارا جاسامپازدىقپەن جارقىراپ جۇرگەن تالانتتارمەن كەزدەسۋگە مۇمكىندىك بەردى.

اتاپ ايتار بولساق، «قازاق كۇرەسى» پالۋانى، اۋىر سالماق دارەجەسىندەگى حالىقارالىق ساناتتاعى سپورت شەبەرى، «الەم بارىسى» چەمپيوناتىنىڭ جەڭىمپازى، قازاقستان رەسپۋبليكاسى تۇڭعىش پرەزيدەنتىنىڭ «قازاقستان بارىسى»، «ەۆرازيا بارىسى» تۋرنيرلەرىنىڭ جەڭىمپازى ايبەك نۇعىماروۆ،  جانە اقىن، «سەرپەر» جاستار سىيلىعىنىڭ لاۋرەاتى، «قازاقستاننىڭ 100 جاڭا ەسىمى» ۇلتتىق جوباسىنىڭ جەڭىمپازى ەرجان جۇمابەكوۆ، «حالىقارالىق جاسىل تەحنولوگيالار جانە يننوۆاتسيالىق جوبالار ورتالىعى» كوممەرتسيالىق ەمەس اكتسيونەرلىك قوعامى ديرەكتوردىڭ ورىنباسارى، حالىقارالىق «بولاشاق» باعدارلاماسىنىڭ تۇلەگى، «قازاقستاننىڭ 100 جاڭا ەسىمى» ۇلتتىق جوباسىنىڭ جەڭىمپازى سەرىك امانگەلدىۇلى نۇركەن،                ۋست-تالوۆكا كەنتىنىڭ تەاتر ونەرى پاندەرىنىڭ وقىتۋشىسى، «قازاقستاننىڭ 100 جاڭا ەسىمى» ۇلتتىق جوباسىنىڭ جەڭىمپازى اليفانوۆ ۆالەنتين يگورەۆيچ سىندى تاعىدا باسقا دارىن يەلەرى جاستارمەن جۇزدەسىپ باعىت باعدار بەردى. كەش سوڭى «قوزى كورپەش-بايان سۇلۋ» عاشىقتار مەرەكەسىنە ارنالعان مەرەكەلىك كونتسەرتپەن قورىتىندىلاندى.

قابدۋالي ساۋلەت

سوڭعى جاڭالىقتار