16 ءساۋىر 2019, 11:33 825 0 بىلگەنگە مارجان Túrkistan Gazeti

جاستار جىلىنداعى جاڭا اسۋلار

تەاتر ونەرى تازالىقتى، كىرشىكسىزدىكتى  تالاپ ەتەدى. تەاتردا ويناۋ ءبىر باسقا، كورەرمەندەرمەن ۇڭدەستىك تابۋ ءبىر باسقا دۇنيە. سان ءتۇرلى تاعدىرلاردى، وبرازداردى سومداپ ءومىر كورىنىسىن شاعىن عانا ساحنا تورىندە تارقاتىپ، شەر تولعاۋ شەبەرلىكتى تالاپ ەتەتىنى بەلگىلى. مىقتىلاردىڭ ىشىندەگى مىقتىcى كورەرمەندەردىڭ جۇرەگىن تەبىرەنتىپ، ىستىق ىقىلاسىنا بولەتىنى زاڭدىلىق.

تەاتر ونەرىن ناسيحاتتاۋ، ساراپتاپ سارالاۋ اسا ماڭىزدى. وسى ماڭىزدىلىقتى ۇعىنعان س.امانجولوۆ اتىنداعى  شىعىس قازاقستان مەملەكەتتىك ۋنيۆەرسيتەتىنىڭ باستاماسىمەن جاستار جىلىنا وراي وسكەمەن قالاسىندا «ۇلى ونەر – ۇلت جاڭعىرۋى» اتتى رەسپۋبليكالىق ستۋدەنتتىك تەاترلار فەستيۆالى بولىپ ءوتتى.

مادەني شاراعا ەلمىزدىڭ تۇكپىر-تۇكپىرىنەن كەلگەن 12 ستۋدەنتتەر تەاترى قاتىسىپ باق سىنادى. ەكى كۇنگە سوزىلعان  ءدۇبىرلى دوداعا "التاي" ارناسىنىڭ ديرەكتورى ايدا جاباعيەۆا، ديدار گازەتىنىڭ ءتىلشىسى مۇراتحان كەنجەحانۇلى، تەاترتانۋشى ولجاس ماناپۇلى، شقو دراما تەاترىنىڭ  كوركەمدىك جەتەكشىسى باستاعان ساقان دولديۇلى قازىلىق ەتىپ جۇزدەن جۇيرىك،  مىڭنان تۇلپار انىقتالدى.

باس جۇلدە نۇرفات ۆاحيتوۆ جەتەكشىلىك ەتكەن   نۇر-سۇلتان قالاسىنىڭ س. سەيفۋللين اتىنداعى قازاق اگروتەحنيكالىق ۋنيۆەرسيتەتىنىڭ «اق جەلكەن» تەاترىنا بەرىلسە،  1 ورىن  عاليا تەمىرباەۆا جەتەكشىلىك ەتكەن تالدىقورعان قالاسىنىڭ  ءى. جانسۇگىروۆ اتىنداعى جەتىسۋ مەملەكەتتىك ۋنيۆەرسيتەتىنىڭ «جاس تۇلەك»  تەاترىنا  تابىستالدى. ال 2 ورىندى جانسەرىك سادىقوۆ جەتەكشىلىك ەتكەن گۋميلەۆ اتىنداعى  ەۋرازيالىق ۇلتتىق ۋنيۆەرسيتەتىنىڭ «شاڭىراق» تەاترى جانە مايرا الىمبەكوۆا جەتەكشىلىك ەتكەن تاراز مەملەكەتتىك پەداگوگيكالىق ۋنيۆەرسيتەنىڭ «جانساراي» تەاترلارى قانجىعالادى. 3 ورىن  ايمان اقتانوۆا جەتەكشىلىك ەتكەن شاكارىم اتىنداعى  سەمەي مەملەكەتتىك ۋنيۆەرسيتەتىنىڭ «قاراگوز» دراما تەاترىنا سونداي-اق ءجاميلا قايىپبەردى جەتەكشىلىك ەتكەن الماتىلىق تۇران ۋنيۆەرسيتەنىڭ «TeArt Turan» تەاترىنا جانە دە تاراز يننوۆاتسيالىق گۋمانيتارلىق ۋنيۆەرسيتىنىڭ «تيگۋ جاستار تەاترى» تەاترىنا بۇيىردى.

سونداي-اق اق، ۇزدىك ارتىستەرگە اتالىمدار بويىنشا ديپلومدار تابىستالدى: "ۇزدىك ەر ادام ءرولى" اتالىمى بويىنشا س.امانجولوۆ اتىنداعى شىعىس قازاقستان مەملەكتەتتىك ۋنيۆەرسيتەتى   جۋمابايەۆ ءجۇرسىن وسكەمەن قالاسى شابىت تەاترى يەلەنسە "ەپيزوتداعى ۇزدىك ەر ادام ءرولى "  بويىنشا   نۇرالى نۇربولاتۇلى لەۆ گۋميلەۆ اتىنداعى ەۋرازيا ۇلتتىق ۋنيۆەرسيتەتى نۇر-سۇلتان قالاسى "Zhas Star" تەاترى قانجىعالادى.. سەيداليەۆا گۇلبيبى "ەپيزوتداعى ۇزدىك ايەل ادام ءرولى" س.امانجولوۆ اتىنداعى شىعىس قازاقستان مەملەكتەتتىك ۋنيۆەرسيتەتى وسكەمەن قالاسى شابىت تەاترى لايىق دەپ تانىلسا   بايان ساناتقىزى "ۇزدىك ايەل ءرولى" لەۆ گۋميلەۆ اتىنداعى ەۋرازيا ۇلتتىق ۋنيۆەرسيتەتى نۇر-سۇلتان قالاسى "Zhas Star" تەاترىنا بۇيىردى. جاستار جىلى اياسىندا وتكەن تەاتر فەستيۆالىندە جاستار  جاڭا اسۋلاردى باعىندىردى.

 قابدۋالي ساۋلەت

سوڭعى جاڭالىقتار