16 ءساۋىر 2019, 09:53 679 0 زاڭ دينارا مىڭجاسارقىزى

انالار تۇرعىن ءۇي ماسەلەسىن شەشۋدى تالاپ ەتتى

15 ساۋىردە ونداعان كوپبالالى انا تۇرعىن ءۇي ماسەلەسىن شەشىپ بەرۋدى تالاپ ەتىپ، ەڭبەك جانە حالىقتى الەۋمەتتىك قورعاۋ مينيسترلىگىنە تاعى باردى.

كوپبالالى انالار تۇرعىن ءۇيدى العاشقى جارناسىز الاتىنداي ەتىپ، جەڭىلدىك جاساۋىن سۇرايدى. ايەلدەرمەن كەزدەسۋگە ەڭبەك ءمينيسترىنىڭ ورىنباسارى سۆەتلانا جاقىپوۆا شىقتى. ولار ۆيتسە-مينيسترگە اتا-انالارىنىڭ الاتىن زەينەتاقىسى تابىس كوزى رەتىندە ەسەپتەلەتىنىنە نارازىلىق ءبىلدىردى. جاقىپوۆا بولسا انالار تالابىن تىڭداپ، ارىزدارىن ءوزى قابىلداپ الۋعا دايىن ەكەنىن جەتكىزدى.

"قاجەتتى زاڭ قابىلداندى. قازىرگى كەزدە جۇمىسپەن قامتۋ ورتالىقتارىندا قۇجاتتاردى قابىلداۋ ءجۇرىپ جاتىر. مينيسترلىك جەرگىلىكتى اتقارۋشى بيلىكتەرمەن بىرىگىپ جۇمىس ىستەيدى", - دەدى ۆيتسە-مينيستر.

11 ساۋىردە كوپبالالى انالار ەڭبەك مينيسترلىگى الدىندا نارازىلىق اكتسياسىنا شىققان كەزدە الەۋمەتتىك جاردەم الۋ ءۇشىن قۇجاتتاردى وتكىزۋدىڭ قيىندىعىن ايتىپ شاعىمدانعان. سول كەزدە ۆيتسە-مينيستر جاقىپوۆا بۇل اقپاراتتى تەرىسكە شىعارعان.

سوڭعى جاڭالىقتار