15 ءساۋىر 2019, 11:56 837 0 بىلگەنگە مارجان Túrkistan Gazeti

كۇندەرەك: 15 ءساۋىر – حالىقارالىق مادەنيەت كۇنى

15 ءcاۋىر – «TÚRKISTAN» weekly. بۇگىن حالىقارالىق مادەنيەت كۇنى اتالىپ وتەدى. ول 1935 جىلدىڭ 15 ساۋىرىندە بەكىتىلگەن. تابيعاتقا بەي-جاي قاراۋ، تاريحي ەسكەرتكىشتەردى بۇزۋ مەن دۇنيەقورلىق – مادەنيەتسىزدىكتىڭ باستى بەلگىسى سانالادى. اياۋشىلىق ءبىلدىرۋ قاسيەتى تەك ادامعا عانا ءتان. مادەنيەت وركەنيەتتى دامىتادى. ول بىرنەشە مىڭجىلدىق بۇرىن قالىپتاسقان.

بۇگىن كوپتەگەن ەلدە ەكولوگيالىق ءبىلىم كۇنى اتالىپ وتەدى. 1992 جىلى ءدال وسى كۇنى ريو-دە-جانەيروداعى بۇۇ كونفەرەنتسياسىندا قورشاعان ورتا ماسەلەلەرى تالقىلانعان بولاتىن. الەم ەلدەرى حالقىنىڭ ەكولوگيالىق ءبىلىمى ادامزاتتىڭ تۇراقتى دامۋى ءۇشىن اسا ماڭىزدى. بۇل مەرەكەنىڭ باستى ماقساتى – تۇرعىنداردىڭ ەكولوگيالىق ساۋاتتىلىعى مەن مادەنيەتىن قالىپتاستىرۋ.

سونداي-اق، قازاقستاندا 2011 جىلدان باستاپ 15 ساۋىردە ۇلتتىق عاشىقتار كۇنى اتالىپ وتەدى. ول اقپاندا تويلاناتىن حالىقارالىق عاشىقتار كۇنىنىڭ بالاماسى. مۇنداي ۇسىنىس 2011 جىلدىڭ قاڭتار ايىندا  جاسالعان بولاتىن. مەرەكەنىڭ پايدا بولۋىنا جاستار ۇيىمدارى، ستۋدەنتتەر قاۋىمى مەن  باستاماشىل توپتار ۇيىتقى بولعان. مەيرام قوزى كورپەش پەن بايان سۇلۋدىڭ ماحابباتىنا ارنالادى.

سونداي-اق، بۇگىن تاقىرباس ادامدار كۇنى. بۇل كەڭىنەن تارالىپ كەتكەن مەرەكەلەردىڭ ءبىرى. ونى شاشىن ۋاقىتشا الىپ تاستاعان ادام دا، تاز دا تويلايدى.

15 ساۋىردە الەمدە بولعان تاريحي وقيعالار

1912 جىلى اتلانت مۇحيتىندا مۇزتاۋمەن سوقتىعىسقان "تيتانيك" كەمەسى سۋعا باتتى. اپاتتا 1496 ادام كوز جۇمدى;

1924 جىلى اقش-تا الەمدەگى تۇڭعىش اۆتوكولىك جولىنىڭ اتلاسى شىقتى;

1951 جىلى لوندوندا العاشقى "الەم ارۋى" بايقاۋى ءوتتى;

1955 جىلى يللينويس شتاتىنداعى دەز-پلەنز قالاسىندا رەي كروك ءوزىنىڭ ءبىرىنشى McDonald’s مەيرامحاناسىن اشتى.

15 ساۋىردە قازاقستاندا بولعان تاريحي وقيعالار

1395 جىلى تەرەك وزەنىنىڭ بويىنداعى شايقاستا توقتامىس قولى  امىر تەمىر اسكەرىنەن جەڭىلدى;

1946 جىلى ۇلى وتان سوعىسى جىلدارى اقتوبەگە كوشىرىپ اكەلىنگەن پولياك بالالارىنا ارنالعان بالالار ءۇيى جابىلدى. ويتكەنى 117 بالا وتانىنا ورالدى (1945 جىلدىڭ 6 شىلدەسىندەگى پولشا مەن كسرو اراسىنداعى كەلىسىمگە سايكەس);

1966 جىلى اتىراۋ قالاسىندا ن.ءجانتورين اتىنداعى وبلىستىق فيلارمونيا اشىلدى;

1993 جىلى قازاقستان رەسپۋبليكاسىنىڭ بەلگيا كورولدىگىندە ەلشىلىگى اشىلدى;

2008 جىلى تاريحتا العاش رەت "شوقان ءۋاليحانوۆ" اتىنداعى قازاقستاندىق ياحتا اتلانت مۇحيتىن ءجۇزىپ ءوتتى.

15 ساۋىردە دۇنيەگە كەلگەن تانىمال تۇلعالار

1452 جىلى يتاليالىق سۋرەتشى، ءمۇسىنشى، ساۋلەتشى، جازۋشى، عالىم  لەوناردو دا ۆينچي دۇنيەگە كەلدى;

1894 جىلى 1953-1964 جىلدار ارالىعىندا كوكپ ورتالىق كوميتەتىنىڭ ءبىرىنشى حاتشىسى نيكيتا حرۋششەۆ دۇنيەگە كەلدى;

1949 جىلى كەڭەستىك، رەسەيلىك ءانشى، سازگەر، پروديۋسەر،اكتريسا جانە تەلەجۇرگىزۋشى اللا پۋگاچەۆا دۇنيەگە كەلدى;

1978 جىلى پۋەرتو-ريكا ءانشىسى، اندەر اۆتورى، اكتەر لۋيس فونسي دۇنيەگە كەلدى. Despacito انىنىڭ ورىنداۋشىسى YouTube رەكوردىن ورناتتى.

15 ساۋىردە قازاقستاندا كىم تۋدى

1896 جىلى قوعام جانە مەملەكەت قايراتكەرى، كۇيشى عابدول-حاكىم بوكەيحانوۆ   دۇنيەگە كەلدى;

1920 جىلى جازۋشى، اۋدارماشى، قازاقستاننىڭ حالىق جازۋشىسى ساۋىربەك باقبەرگەنوۆ  دۇنيەگە كەلدى.

1922 جىلى جازۋشى، دراماتۋرگ، قازاقستاننىڭ حالىق جازۋشىسى سافۋان شايمەردەنوۆ  دۇنيەگە كەلدى;

1947 جىلى كەڭەستىك، قازاقستاندىق ءدىنتانۋشى، ءپالساپاشى، قازاق فيلوسوفياسى سالاسى تاريحىن زەرتتەۋشى، ابايتانۋشى، مەملەكەت قايراتكەرى عاريفوللا ەسىم دۇنيەگە كەلدى;

1948 جىلى قازاقستاننىڭ مۇگەدەكتەر وداعىنىڭ توراعاسى ءالي امانداەۆ دۇنيەگە كەلدى;

اي كۇنتىزبەسى  

اي – ارىستان بەلگىسىندە. اينالاعا مۇقيات قاراساڭىز، الەمنىڭ قانشالىقتى تاماشا ەكەنىن كورە الاسىز. ءسىز ءالى دە كورمەگەن، بىلمەيتىن دۇنيە قانشاما. تەك جۇمىستى عانا ويلاماي، ءومىردىڭ قىزىعىن تاماشالاۋعا اسىعىڭىز. سوندا عانا كوڭىل-كۇيىڭىز كوتەرىڭكى بولادى. تىنىعىپ، كۇش جيناڭىز.

سوڭعى جاڭالىقتار