15 ءساۋىر 2019, 11:09 613 0 ءبىلىم Túrkistan Gazeti

تالعات ەشەنقۇلوۆ جاڭا قىزمەتكە تاعايىندالدى

15 ءcاۋىر – «TÚRKISTAN» weekly. قر ءبىلىم جانە عىلىمي ءمينيسترىنىڭ بۇيرىعىمەن تالعات ءىلياسۇلى ەشەنقۇلوۆ ءبىلىم جانە عىلىم سالاسىنداعى باقىلاۋ كوميتەتىنىڭ توراعاسى بولىپ تاعايىندالدى. 

ت. ەشەنقۇلوۆ 1978 جىلى جامبىل وبلىسىندا دۇنيەگە كەلگەن. 1999 جىلى م. ح. دۋلاتي اتىنداعى تاراز مەملەكەتتىك ۋنيۆەرسيتەتىن ۇزدىك، 2010 جىلى قازاقستان رەسپۋبليكاسىنىڭ پرەزيدەنتى جانىنداعى مەملەكەتتىك باسقارۋ اكادەمياسىنىڭ ۇلتتىق مەملەكەتتىك ساياسات مەكتەبىن تامامداعان. ەكونوميكا جانە يۋريسپرۋدەنتسيا سالالارىنداعى مامان بىلىكتىلىگىنە، سونداي-اق «مەملەكەتتىك جانە جەرگىلىكتى باسقارۋ» بەيىنى بويىنشا PhD دوكتورى دارەجەسىنە يە. مەملەكەتتىك باسقارۋ جانە ءبىلىم بەرۋ جۇيەسىن دامىتۋ سالاسىندا 2 وقۋ قۇرالى مەن 19 عىلىمي ماقالانىڭ تەڭ اۆتورى.

2006-2012 جىلدارى ينديانا ۋنيۆەرسيتەتەتىندە (اقش), سينگاپۋر ۇلتتىق ۋنيۆەرسيتەتىنىڭ لي كۋان يۋ اتىنداعى مەملەكەتتىك ساياسات مەكتەبىندە، ديۋك ۋنيۆەرسيتەتىنىڭ سەندفورد مەملەكەتتىك ساياسات مەكتەبىندە (اقش), گوللانديا مەملەكەتتىك باسقارۋ ينستيتۋتىندا (گااگا، نيدەرلاندى), وڭتۇستىك كورەياداعى مەملەكەتتىك اۋديت ينستيتۋتىندا مەملەكەتىك باسقارۋ جانە اۋديت ماسەلەلەرى بويىنشا وقىتۋ باعدارلامالارىنان وتكەن.

ەڭبەك جولىن 2000 جىلى سوت جۇيەسى ورگاندارىندا باستاعان. قازاقستان رەسپۋبليكاسىنىڭ قارجى مينيسترلىگىندە، قازاقستان رەسپۋبليكاسىنىڭ جوعارعى سوتىندا، رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىندە ءتۇرلى باسقارۋشىلىق قىزمەتتەر اتقارعان. 2007–2011 جىلدارى قازاقستان رەسپۋبليكاسى ءبىلىم جانە عىلىم مينيسترلىگىنىڭ بالالار قۇقىقتارىن قورعاۋ كوميتەتىنىڭ جامبىل وبلىسىنداعى بالالار قۇقىقتارىن قورعاۋ دەپارتامەنتىن باسقارعان.

2016 جىلى شىلدەدە ءبىلىم جانە عىلىم سالاسىنداعى باقىلاۋ كوميتەتى توراعاسىنىڭ ورىنباسارى بولىپ تاعايىندالدى. 07.03.2018 جىلدان 13.09.2018 جىل ارالىعىندا نەگىزگى قىزمەتكەردەرىڭ الەۋمەتتىك دەمالىسى كەزىندە قازاقستان رەسپۋبليكاسى ءبىلىم جانە عىلىم ۆيتسە-ءمينيسترى لاۋازىمىن اتقاردى. 2018 جىلعى 14 قىركۇيەكتەن باستاپ ءبىلىم جانە عىلىم سالاسىنداعى باقىلاۋ كوميتەتىنىڭ توراعاسى قىزمەتىن اتقارعان. 2019 جىلعى اقپاننان باستاپ قازاقستان رەسپۋبليكاسى ءبىلىم جانە عىلىم ۆيتسە-ءمينيسترى قىزمەتىندە بولدى.

سوڭعى جاڭالىقتار