11 ءساۋىر 2019, 13:42 775 0 ىشكى ساياسات Túrkistan Gazeti

سايلاۋدىڭ ءادىل وتۋىنە بارلىعىمىز دا جاۋاپتىمىز

قاجىعالي مۇحانبەتقاليۇلى، جازۋشى، مەملەكەتتىك سىيلىقتىڭ لاۋرەاتى:

– بارشاڭىزعا ءمالىم، قازاقستان ۇلتتىق ارناسىنان قازاقستان پرەزيدەنتى قاسىم-جومارت توقاەۆ الدىمىزداعى ماۋسىم ايىنىڭ توعىزى كۇنى قازاقستان پرەزيدەنتى سايلاۋى بولاتىنىن مالىمدەدى. ءوز سوزىندە قاسىم-جومارت توقاەۆ بۇل جاۋاپتى شەشىمى جايىندا ەلباسى نۇرسۇلتان نازارباەۆپەن اقىلداسقانىن، پارلامەنتتىڭ قوس پالاتاسىنىڭ سپيكەرىمەن، پرەمەر-مينيسترمەن كەزدەسىپ، كونستيتۋتسيالىق كەڭەستىڭ كەلىسىمىنە جۇگىنگەنىن ايتتى.

ەلىمىزدىڭ پرەزيدەنتىن سايلاۋ – اسا ماڭىزدى ءىس. ونى دەموكراتيالىق – ءادىل جولمەن وتكىزۋگە بۇكىل ەلىمىز جاۋاپتى. سوندىقتان مۇنى دەر كەزىندە قولعا الىنىپ جاتقان، وتە دۇرىس شارۋا دەپ ويلايمىن. سايلاۋعا قانشا ادام ۇمىتكەر بولادى، ول ەندى، الداعى ۋاقىتتىڭ ەنشىسىندە.

سايلاۋ، شىن مانىندە، بۇكىلحالىقتىق سايلاۋ بولىپ، حالقىمىز ءوزى قالاعان تۇلعانى ەل پرەزيدەنتى  قىلىپ، سوعان بار ءۇمىتىن ارتادى دەپ سەنەمىن. ءبىز قاشاندا جاقسىلىققا سەنەتىن حالىقپىز، سايلاۋدىڭ زاڭ اياسىندا ءساتتى وتۋىنە تىلەكتەسپىن.

 

سوڭعى جاڭالىقتار