4 ءساۋىر 2019, 12:47 612 0 كولىك اياۋلىم سالىقجانوۆا

592 شاقىرىم جاڭا جول سالىندى

«نۇرلى جول» ينفراقۇرىلىمدى دامىتۋدىڭ مەملەكەتتىك بaعدaرلاماسى – ۇلتتىق ەكونوميكانىڭ نەگىزگى قوزعالتقىشتارىنىڭ ءبىرى. بۇل تەك قازىرگى زامانعى ماگيسترالداردىڭ پايدا بولۋى عانا ەمەس، سونداي-اق، ەلىمىزدىڭ ءجىو-ءنىڭ ءوسۋى، جاڭا جۇمىس ورىندارى مەن ترانزيتتىك جۇك اعىنىنىڭ ارتۋى. بۇل تۇستا زاماناۋي ءارى ساپالى اۆتوكولىك جولدارىنىڭ قۇرىلىسىنا باستى نازار اۋدارىلعان.

2018 جىلى «نۇرلى جول» باعدارلاماسى اياسىندا جالپى ۇزىندىعى 4,6 مىڭ شاقىرىم رەسپۋبليكالىق ماڭىزى بار اۆتوموبيل جولدارىن سالۋ جانە رەكونسترۋكتسيالاۋ بويىنشا 24 جوبا جۇزەگە اسىرىلدى. ونىڭ ىشىندە كەلەسى باعىتتار بويىنشا جول قوزعالىستارى اشىلدى: ورتالىق-شىعىس – 243 شاقىرىم، ورتالىق-وڭتۇستىك – 30 شاقىرىم، ورال-كامەنكا – 35 شاقىرىم، بەينەۋ-اقجىگىت – 85 شاقىرىم، الماتى-تالدىقورعان (سارقاندى اينالىپ ءوتۋ) – 16 شاقىرىم، قورداي اينالما جولى – 19 شاقىرىم، استانا-پەتروپاۆل-رف شەكاراسى (قورعانعا قاراي) – 25 شاقىرىم، ششۋچينسك-زەرەندى – 30 شاقىرىم، تالدىقورعان-وسكەمەن – 20 شاقىرىم، قالباتاۋ-مايقاپشاعاي – 9 شاقىرىم، استانانىڭ وڭتۇستىك-باتىس اينالما جولى – 6 شاقىرىم.

سونىمەن قاتار، ورال-كامەنكا – 73 شاقىرىم، قورداي اينالما جولى – 40 شاقىرىم، بەينەۋ-اقتاۋ – 60 شاقىرىم، قاپشاعاي-تالدىقورعان – 40 شاقىرىم جوبالارى بويىنشا جۇمىس تولىق اياقتالدى. جالپى، وتكەن جىلى باعدارلاما اياسىندا بارلىعى 592 شاقىرىم جول سالىندى.

سونداي-اق، 2018 جىلى جالپى ۇزىندىعى 471 شاقىرىم بولاتىن استانا – تەمىرتاۋ، الماتى – قاپشاعاي جانە الماتى – قورعاس ۋچاسكەلەرىندە تولەم الۋ جۇيەسىن سالۋ بويىنشا جۇمىستار اياقتالىپ، سىناقتىق جۇيەگە كوشىرىلدى.

قازىرگى ۋاقىتتا  باتىس ەۋروپا – باتىس قىتاي جوباسى اياسىندا تۇركىستان وبلىسىندا تۋننەل سالىنۋدا. جالپى، باعدارلاما اياسىندا 7 مىڭ شاقىرىمنان استام رەسپۋبليكالىق ماڭىزى بار اۆتوموبيل جولدارىن سالۋ، رەكونسترۋكتسيالاۋ جانە 10 مىڭ شاقىرىمنان استام جولدى جوندەۋ كوزدەلگەن.

سوڭعى جاڭالىقتار