29 ناۋرىز 2019, 15:22 1157 0 كولىك نازىم تويلىباەۆا

الماتىدان تارازعا 5 000 تەڭگەگە ۇشىپ بارۋعا بولادى

FlyArystan اۋەكومپانياسى 2019 جىلدىڭ 1 مامىرىنان باستاپ الماتىدان تارازعا قاتىنايتىنىن حابارلايدى، دەپ حابارلايدى Tengrinews.kz.

ساپار ۇزاقتىعى 60 مينۋت بولاتىن بىرجاقتى بيلەت قۇنى اۋەجاي الىمدارىمەن قوسا ەسەپتەگەندە 4 999 تەڭگەدەن باستالاتىنى ايتىلادى.

FlyArystan وكىلدەرىنىڭ ايتۋىنشا، الماتى-تاراز-الماتى باعىتىمەن 180 ورىندىق، زاماناۋي Airbus A320 ۇشاقتارى كۇندەلىكتى ساپارعا اتتانادى. وسىلايشا، جاڭا اۋەكومپانيا وسى باعىت بويىنشا ءبىر جىلدا 130 000 اسا جولاۋشىنى تاسىمالدايدى.

«ءبىزدىڭ باستى ماقساتىمىز بارشا قازاقستاندىقتارعا قولجەتىمدى، ءارى جايلى ساپار شەگۋ مۇمكىندىن سىيلاپ، تاريحى مەن مادەنيەتى باي ولكەمىزدى جان-جاعىنان اشىپ كورسەتۋ. ىستىق اۆتوبۋس، پوەزدبەن دىتتەگەن جەرگە جەتۋ ءبىراز ۋاقىتتى الاتىنى قۇپيا ەمەس. بۇدان بىلاي وتانداستارىمىز FlyArystan ارقىلى قازاقستان ىشىندە جەڭىل قاتىناپ، جاقىن تۋىستارىنا جيىرەك قوناققا بارادى دەگەن ۇمىتتەمىز. ال كاسىپكەرلەر سەرىكتەستەرىمەن بايلانىستى لەزدە ورناتىپ، جولعا التىن ۋاقىتتارىن جوعالتپاي، الماتى-تاراز-الماتى باعىتىمەن قاتىناۋ ارقىلى ەكى قالانىڭ اراسىنداعى ەكونوميكالىق بايلانىستى ودان ءارى جاقىنداي تۇسىرەدى»، - دەپ سەنىم ءبىلدىردى اۋەكومپانيانىڭ ساتۋ مەن ماركەتينگ ءبولىمىنىڭ ديرەكتورى جانار جايلاۋوۆا.

تاراز قالاسىنىڭ اكىمىدىگى تاريحى 2000 جىلدان اسقان تارازعا كۇندەلىكتى قاتىنايتىن رەيستەر، تەكتۇرماس، قاراحان مەن ايشا ءبيبى كەسەنەلەرى، يۋنەسكو بىرەگەي دەپ تانىعان اقىرتاس قالاشىعى سياقتى تاريحي جانە مادەني مۇرالار جەرگىلىكتى عانا ەمەس، سونىمەن قاتار شەتەلدىك تۋريستتەردى دە قىزىقتىرىپ، ەشبىر قيىندىقسىز وڭتۇستىك استانادان جەتۋگە مۇمكىندىك بەرەدى دەپ سانايدى.

ەسكە سالايىق، 2018 جىلى قۇرىلعان العاشقى قازاقستاندىق FlyArystan لوۋكوستەرى حالىقارالىق بيۋدجەتتىك كومپانيالار بيزنەس قاعيدالارىنا ساي جۇمىس ىستەپ، ءاربىر جولاۋشىعا قالاعان ورىندى تاڭداۋ، قوسىمشا جۇكتى تاپسىرۋ، بورتتىق تاعامعا تاپسىرىس بەرۋ سەكىلدى قىزمەت تۇرلەرىن ءوز ەرىكتەرىمەن تاڭداپ الۋعا مۇمكىندىگىن بەرەدى.

 

سوڭعى جاڭالىقتار