28 ناۋرىز 2019, 11:32 807 0 نۇر وتان اسەل انۋاربەك

ەلوردا اتاۋىن وزگەرتۋدى قولدايدى

باتىس قازاقستان وبلىسىندا Nur Otan پارتياسى باستاۋىش ۇيىمدارىنىڭ فورۋمى ءوتتى. فورۋمعا قازاقستاننىڭ تۇڭعىش پرەزيدەنتىنىڭ ەڭبەگىن ەسكە الۋ ءۇشىن Nur Otan پارتياسىنىڭ بەلسەندىلەرى جينالدى.

جيىندا باستاۋىش پارتيا ۇيىمدارىنىڭ مۇشەلەرى قازاقستان رەسپۋبليكاسىنىڭ تۇڭعىش پرەزيدەنتى نۇرسۇلتان نازارباەۆتىڭ جەتىستىكتەرى تۋرالى ايتتى. فورۋم جۇمىسىنا باستاۋىش پارتيا ۇيىمدارى مۇشەلەرىمەن  قاتار، ەلوردا اتاۋىنىڭ وزگەرۋىن قولدايتىن باتىسقازاقستاندىقتار قاتىستى.

Nur Otan پارتياسى باتىس قازاقستان وبلىستىق فيليالى توراعاسىنىڭ ءبىرىنشى ورىنباسارى سەرىك سۇلەيمەن الەمدە كوپتەگەن قالالارعا بەلگىلى مەملەكەت قايراتكەرلەرىنىڭ ەسىمى بەرىلەتىنىن ايتىپ ءورتتى. جينالعاندارعا  تۇڭعىش پرەزيدەنتتىڭ ەڭبەگى، رەفورمالارىنىڭ حالىقتىڭ جاپپاي قولداۋىنا يە بولعانى تۋرالى ءسوز بولدى.

باتىس قازاقستان وبلىستىق ءماسليحاتىنىڭ حاتشىسى مالىك قۇلشار 90 جىلدارى ەل قانداي جاعدايدا بولعانىن ەسكە الدى. «نۇرسۇلتان نازارباەۆ  ۇسىنعان رەفورمالار ەلدى بۇكىل الەمگە تانىمال ەتتى. قازىرگى تاڭدا الەمدى تاڭ قالدىرعان قالا تۇرعىزۋدىڭ ءوزى ەلباسىمىزدىڭ ۇلكەن كورەگەندىگى دەپ ەسەپتەيمىن. استانا قالاسىنا ەلباسى اتى بەرىلۋى زاڭدى قۇبىلىس. ءيا، قازىر     ارتۇرلى پىكىرلەر تۋىنداپ جاتىر، بىراق تۇبىندە تاريح ءوزى تارازىلايدى.    سوندىقتان قازىر نۇر-سۇلتان اتاۋىنا ۇيرەنبەگەندىكتەن قىزىق بولىپ كورىنگەنمەن، تۇبىندە ول ەلباسىمىزدىڭ ۇلكەن ەڭبەگى دەپ باعالاناتىن بولادى، ۇرپاققا مۇرا بولىپ قالادى»، – دەدى «ورلەۋ» باۇو» اق باستاۋىش پارتيا ۇيىمىنىڭ ءتورايىمى سوفيا ىزمۇحانبەتوۆا.

بۇل پىكىردى Nur Otan پارتياسى «جاس وتان» جاستار قاناتىنىڭ بەلسەندىلەرى دە قولدادى. «تۇڭعىش پرەزيدەنت ارقاشان جاستارعا ەرەكشە كوڭىل ءبولدى، سوڭعى مىسالداردىڭ ءبىرى – 2019 جىلدى جاستار جىلى دەپ جاريالاۋى. ءبىر جىل بويى جاستاردىڭ جول كارتاسى قابىلدانىپ، وندا  جاستاردىڭ ءارتۇرلى توپتارىن قولداۋ بويىنشا جۇيەلى شارالار ايقىن  بەلگىلەنگەن. جاستارعا قاتىستى بارلىق مەملەكەتتىك باعدارلامالار  جالعاساتىن بولادى دەپ سەنىممەن ايتا الامىن»، – دەپ اتاپ ءوتتى «جاس وتان» جاستار قاناتى باتىس قازاقستان وبلىستىق فيليالىنىڭ توراعاسى نۇرعالي جولداسقاليەۆ تىلگە تيەك ەتتى.

ايتا كەتەيىك، وبلىس بويىنشا 275 باستاۋىش پارتيا ۇيىمدارى بار، ولاردىڭ 64-ءى بۇگىن فورۋم جۇمىسىنا قاتىستى.

 

سوڭعى جاڭالىقتار