26 ناۋرىز 2019, 14:32 1110 0 قوعام نازىم تويلىباەۆا

1 ماۋسىمنان باستاپ 1,5 ميلليون ادامنىڭ جالاقىسى كوتەرىلەدى

1 ماۋسىمنان باستاپ 1,5 ميلليون ادامنىڭ جالاقىسى كوتەرىلەدى. بۇل تۋرالى بۇگىن ۇكىمەت ۇيىندەگى ءباسپاسوز ءماسليحاتىندا قر پرەمەر-ءمينيسترىنىڭ ورىنباسارى - قارجى ءمينيسترى ءاليحان سمايىلوۆ ايتتى، دەپ حابارلايدى قازاقپارات.

«تاياۋدا قازاقستان پرەزيدەنتى قاسىم-جومارت توقاەۆ جالاقىنى كوتەرۋ مەرزىمىن اعىمداعى جىلدىڭ 1 شىلدەسىنەن 1 ماۋسىمعا جىلجىتۋ تۋرالى تاپسىرما بەرگەن بولاتىن. ياعني، ءبىر ايعا العا جىلجىپ وتىر»، - دەدى مينيستر.

ونىڭ اتاپ وتۋىنشە، وسىعان وراي اتالعان ماقساتقا قوسىمشا 37,8 ملرد تەڭگە  باعىتتاۋ جوسپارلانعان.

«الۋشىلار كونتينگەنتىنىڭ اياسى بۇرىنعىشا، ياعني 1,5 ملن ادام. ءبىلىم بەرۋ سالاسىندا - بالاباقشا تاربيەشىلەرى، ولاردىڭ كومەكشىلەرى، كوللەدج وقىتۋشىلارى، مۇعالىمدەر، ادىسكەرلەر، پسيحولوگتار جانە باسقا دا جۇمىسشىلار. دەنساۋلىق ساقتاۋ سالاسىندا - دارىگەرلەر، ورتا جانە كىشى مەديتسينالىق قىزمەتكەرلەر، مەدبيكەلەر، لابورانتتار، سانيتارلار، جۇمىسشىلار، جۇرگىزۋشىلەر جانە باسقالارى. الەۋمەتتىك سالادا، مادەنيەت پەن سپورتتا، اۋىل شارۋاشىلىعىندا جانە باسقا دا سالالاردا - ازاماتتىق قىزمەتشىلەر، اكىمشىلىك جانە تەحنيكالىق قىزمەتكەرلەر، جۇمىسشىلار، سونىمەن قاتار ورتا جانە تومەن بۋىنداعى وبلىستىق، اۋداندىق جانە اۋىلدىق دەڭگەيدەگى مەملەكەتتىك قىزمەتشىلەر»، - دەدى ول.

وسى ورايدا مينيستر شىعىس كولەمىنىڭ وزگەرۋىنە قاتىستى ۇسىنىستار مەملەكەت باسشىسىنىڭ كەلىسىمىنە جىبەرىلگەندىگىن ايتتى.

«بۇل 37,8 ملرد تەڭگەنى قۇرايدى جانە مەملەكەت باسشىسىنىڭ كەلىسىمىنە جىبەرىلدى. سودان كەيىن تاياۋ كۇندەرى اتالعان سوما 2019 جىلعا ارنالعان ناقتىلانعان بيۋدجەتتە قابىلدانۋى ءۇشىن پارلامەنتكە جىبەرىلەدى. بيۋدجەت قازىرگى ۋاقىتتا پارلامەنت قاراۋىندا جاتىر»، - دەدى ءا.سمايىلوۆ.

 

سوڭعى جاڭالىقتار