26 ناۋرىز 2019, 12:44 683 0 كولىك نازىم تويلىباەۆا

QAZAQ AIR ۇشاقتارى رەسەيگە قاتىنايتىن بولدى

«QAZAQ AIR» اۋە كومپانياسى اتىراۋ-استراحان تۇراقتى حالىقارالىق رەيسىن اشتى، دەپ حابارلايدى قازاقپارات.

27 ساۋىردەن باستاپ اتىراۋ قالاسىنان رەسەيدىڭ استراحان وبلىسىنىڭ اكىمشىلىك ورتالىعىنا تىكەلەي رەيس قاتىنايتىن بولدى.

جولاۋشىلار Bombardier Q400 NextGen ۇشاقتارىمەن ءار سەيسەنبى مەن سەنبى كۇندەرى جەتكىزىلەدى.

«ءبىزدىڭ گەوگرافيامىز كەڭەيىپ جاتىر. استراحان - جايىق جاعالاۋى مەن كاسپي ماڭى ەلدەرىنىڭ كونەدەن كەلە جاتقان ورتالىعى. بۇل ورتالىققا باتىس قازاقستان حالقى كوپ بارادى. اتالعان باعىتقا سۇرانىس بولادى دەگەن سەنىمدەمىز»، - دەدى QAZAQ AIR باسقارما توراعاسىنىڭ مىندەتىن اتقارۋشى ادەل داۋلەتبەك.

 

سوڭعى جاڭالىقتار