21 ناۋرىز 2019, 10:47 1272 0 ىشكى ساياسات Túrkistan Gazeti

قازاقستاننىڭ باس قالاسى – نۇر-سۇلتان

ەلىمىزدىڭ باس قالاسى ەندى نۇر-سۇلتان قالاسى دەپ اتالادى. كەشە قر پارلامەنتى پالاتالارىنىڭ بىرلەسكەن وتىرىسىندا استانا قالاسىنىڭ اتاۋىن نۇر-سۇلتان دەپ وزگەرتۋ تۋرالى زاڭ قابىلداندى.

بىرلەسكەن وتىرىس بارىسىندا قر پارلامەنتى ءماجىلىسىنىڭ توراعاسى نۇرلان نىعماتۋلين: «مەملەكەت باسشىسى كونستيتۋتسيانىڭ 91-بابىنىڭ 1-تارماعىنا سايكەس، پارلامەنتتىڭ قاراۋىنا «قر كونستيتۋتسياسىنا وزگەرىستەر ەنگىزۋ تۋرالى» قازاقستان رەسپۋبليكاسى زاڭىنىڭ جوباسىن ەنگىزدى. بۇل جوبا  رەسپۋبليكا استاناسىنىڭ اتاۋىن استانا قالاسىنان نۇر-سۇلتان قالاسىنا وزگەرتۋدى كوزدەيدى. «قر كونستيتۋتسياسىنا سايكەس، ۇكىمەت اتا زاڭىمىزعا  استانانىڭ اتاۋىن وزگەرتۋ تۋرالى تۇزەتۋ ەنگىزۋ ءۇشىن رەسپۋبليكالىق رەفەرەندۋم وتكىزۋ جونىندە قر پرەزيدەنتىنە ۇسىنىس جاسادى. پرەزيدەنت بۇل  ۇسىنىستى رەفەرەندۋمعا شىعارماي، پارلامەنتتىڭ قاراۋىنا جىبەرۋ تۋرالى  شەشىم قابىلدادى. بۇل ماسەلە بويىنشا كونستيتۋتسيالىق كەڭەس ءوزىنىڭ وڭ  قورىتىندىسىن دا بەردى»، – دەدى.

قازاقستان ەلورداسىنا قر تۇڭعىش پرەزيدەنتى – ەلباسىنىڭ ەسىمىن بەرۋدى تالقىلاعان دەپۋتاتتار استانا اتاۋىن نۇر-سۇلتان قالاسىنا وزگەرتۋ تۋرالى شەشىمدى ءبىراۋىزدان ماقۇلدادى. وسىلايشا، ەلىمىز ءۇشىن تاعى ءبىر تاريحي شەشىم قابىلداندى.

 

سوڭعى جاڭالىقتار