5 ناۋرىز 2019, 13:41 706 0 قوعام نازىم تويلىباەۆا

بولات كاليانبەكوۆ «الماتى» تەلەارناسىن باسقاراتىن بولدى

جوعارعى سوتتىڭ بۇرىنعى ءباسپاسوز حاتشىسى بولات كاليانبەكوۆ «الماتى» تەلەارناسىنىڭ باس ديرەكتورى قىزمەتىنە تاعايىندالدى،  دەپ حابارلايدى Tengrinews.kz.

بۇعان دەيىن تەلەارنانى الىبەك الدەنەي باسقارعان بولاتىن. ول بۇل قىزمەتتە 2015 جىلدىڭ قازانىنان بەرى جۇمىس ىستەدى. بولات كاليانبەكوۆ «الماتى» تەلەارناسىنىڭ ديرەكتورى بولىپ 2019 جىلدىڭ اقپانىندا تاعايىندالعان. ول 2014 جىلدان بەرى جوعارعى سوتتىڭ ءباسپاسوز قىزمەتىن باسقارعان ەدى.

«بۇگىن جوعارعى سوتتىڭ قىلمىستىق ىستەر جونىندەگى سوت القاسىنىڭ توراعاسى اباي راحمەتۋلين جينالىس وتكىزدى، مۇندا سۋديالار مەن جوعارعى سوت ورگانىنىڭ قىزمەتكەرلەرى بولات كاليانبەكوۆتىڭ جوعارعى سوت ءباسپاسوز حاتشىسى قىزمەتىندەگى جەمىستى ەڭبەگىن اتاپ ءوتتى. اباي راحمەتۋلين ونىڭ باسقا جۇمىسقا اۋىسقانىن - «الماتى» تەلەارناسىنىڭ باس ديرەكتورى بولعانىن حابارلادى»، - دەپ جازدى قر جس قىزمەتكەرى گۇلميرا مۇحانبەتجانوۆا ءوزىنىڭ Facebook جەلىسىندەگى پاراقشاسىندا.

سوڭعى جاڭالىقتار