4 ناۋرىز 2019, 16:09 794 0 سىرتقى ساياسات دينارا مىڭجاسارقىزى

الجير پرەزيدەنتى سايلاۋعا قايتا تۇسەدى

الجير پرەزيدەنتى ابدەلازيز بۋتەفليكا بيىل 18 ساۋىردە وتەتىن سايلاۋعا قاتىسۋعا ءوتىنىش بەرگەن. «ەلدى 20 جىل باسقارعان پرەزيدەنتكە قارسى» ءوتىپ جاتقان ەلدەگى نارازىلىققا قاراماستان بۋتەفليكا وسىنداي شەشىم قابىلداعان.

پرەزيدەنت قۇجاتتارىن كەشە، 3 ناۋرىزدا سايلاۋ شتابىنىڭ باسشىسىنان بەرىپ جىبەرگەن.

82 جاستاعى بۋتەفليكانىڭ ءوزى قازىر شۆەيتساريادا ەمدەلىپ ءجۇر.

پرەزيدەنت شتابىنىڭ باسشىسى «بۋتەفليكا قايتا سايلانعان جاعدايدا  «ۇلتتىق كەڭەستە» ءبىر جىل ىشىندە ءوزىنىڭ قاتىسۋىنسىز مەرزىمىنەن بۇرىن سايلاۋ وتكىزۋ جايىن تالقىلاۋدى جوسپارلاپ وتىر» دەپ حابارلادى.

ونىڭ كانديداتتىعى تىركەلگەنى تۋرالى الجير استاناسى مەن باسقا بىرنەشە قالادا نارازىلىق ءوتىپ جاتقان تۇستا بەلگىلى بولدى. الجيردە  ناۋرىزدىڭ باسىندا ونداعان مىڭ ادام نارازىلىققا شىقتى. بۇل — 2011 جىلعى اراب كوكتەمىنەن كەيىنگى ەلدە وتكەن ەڭ ءىرى نارازىلىق شاراسى.

ابدەلازيز بۋتەفليكا ءالجيردى 1999 جىلدان بەرى باسقارىپ كەلەدى. 2013 جىلى وعان قاستاندىق جاسالدى. سودان بەرى ول قولاربامەن قوزعالادى. كوپ الدىنا سيرەك شىعادى. شۆەيتساريانىڭ اقپارات قۇرالدارى بۋتەفليكانىڭ جەنەۆاداعى ەمحانادا ەكەنىن جازدى.

دەرەككوز:ازاتتىق راديوسى

سوڭعى جاڭالىقتار