28 اقپان 2019, 16:39 970 0 دەنساۋلىق نازىم تويلىباەۆا

ەلجان ءبىرتانوۆ: مەيىربيكەنىڭ جالاقىسى 100 مىڭعا دەيىن وسەدى

قر دەنساۋلىق ساقتاۋ ءمينيسترى ەلجان ءبىرتانوۆ مەديتسينا سالاسىنداعى جالاقىسى تومەن قىزمەتكەرلەردىڭ ايلىعىن 30 پروتسەنتكە كوتەرۋگە قاتىستى ەسەپ-قيساپتى جاريالادى، دەپ xابارلايدى قازاقپارات.

ءمينيستردىڭ ايتۋىنشا، اعىمداعى جىلى 1 شىلدەدەن باستاپ جالاقىسى تومەن بارلىق مەدبيكەلەر جانە كىشى مەديتسينالىق پەرسونالدىڭ جالاقىسى 30 پروتسەنتكە وسەدى. "مىسالى، مەيىربيكەنىڭ ورتاشا جالاقىسى 76 مىڭنان 100 مىڭعا دەيىن كوتەرىلەدى. ال كىشى مەديتسينالىق پەرسونالدىڭ ايلىعى 48 مىڭنان 64 مىڭعا ارتادى. وعان قوسا، جوعارى سۇرانىسقا يە ماماندىقتار بويىنشا دارىگەرلەردىڭ جالاقىسى دا ۇلعاياتىن بولادى. جالپى، 225 مىڭنان استام مەديتسينا قىزمەتكەرلەرىنىڭ جالاقىسى وسەدى. وسىعان وراي، 2019 جىلى رەسپۋبليكالىق بيۋدجەتتەن 37,6 ميلليارد تەڭگە، ال 2020 جىلدان باستاپ 78,7 ميلليارد تەڭگە بولىنەدى", - دەدى ە.ءبىرتانوۆ ۇكىمەتتىڭ بۇگىنگى وتىرىسىندا.

ايتا كەتەيىك، كەشە "نۇر وتان" پارتياسىنىڭ XVIII سەزىندە قر پرەزيدەنتى نۇرسۇلتان نازارباەۆ تومەن جالاقى الاتىن بيۋدجەتتىك سالا قىزمەتكەرلەرىنىڭ ايلىعىن 30 پروتسەنتكە كوتەرۋدى تاپسىردى. بۇدان بولەك، اكىمدىك قىزمەتكەرلەرىنىڭ جالاقىسى 25 پروتسەنتكە كوتەرىلەدى. وسى ماقساتتا 1 تريلليونعا جۋىق قارجى بولىنەدى.

 

سوڭعى جاڭالىقتار