25 اقپان 2019, 09:49 1224 0 سىرتقى ساياسات نازىم تويلىباەۆا

حانويدا اقش-كحدر ءسامميتى باستالادى

ۆەتنام استاناسى حانويدا اقش پەن سولتۇستىك كورەيانىڭ ەكىنشى ءسامميتى وتەتىن بولادى. وسىعان وراي شاھاردا قاۋىپسىزدىك شارالارى بارىنشا كۇشەيتىلىپ جاتىر، دەپ حابارلايدى  «حابار 24».

اقش پرەزيدەنتى دونالد ترامپ پەن كيم چەن ىننىڭ قاتىسۋىمەن وتەتىن شاراعا سولتۇستىك كورەياداعى قاۋىپسىزدىك قىزمەتتىڭ 100-گە جۋىق مامانى كەلدى. ولار كيم چەن ىن ورنىعاتىن كوناقۇيگە قاراي اتتاندى. اقپارات كوزدەرىنىڭ حابارلاۋىنشا، تاراپتار كورەي تۇبەگىن يادرولىق قارۋدان ازات ەتۋ كەلىسىمىنىڭ ورىندالۋى مەن ايماقتاعى قاۋىپسىزدىك ماسەلەسى كەڭىنەن تالقىلاناتىن بولادى.

ەستەرىڭىزگە سالايىق، تاراپتاردىڭ العاشقى ءسامميتى وتكەن جىلدىڭ جازىندا سينگاپۋردە وتكەن.

سوڭعى جاڭالىقتار