21 اقپان 2019, 15:35 630 0 ەكولوگيا اياۋلىم سالىقجانوۆا

تاسقىنعا توسقىن

قازاقستاندا 505 ەلدى مەكەن سۋ تاسقىنى قاۋپى بار ايماقتا تۇر. بۇل تۋرالى ىشكى ىستەر مينيسترلىگى توتەنشە جاعدايلار كوميتەتىنىڭ توراعاسى ۆلاديمير بەككەر حابارلادى.

كوميتەت دەرەگىنشە، تاسقىن قاۋپى ءتونىپ تۇرعان ايماقتاردىڭ قاتارىندا الماتى ولىسى (75 ەلدى مەكەن), شىعىس قازاقستان (76), اقمولا (46), اقتوبە (35), قاراعاندى (33), قىزىلوردا (31), قوستاناي (52), پاۆلودار (14) جانە سولتۇستىك قازاقستان (18) وبلىستارى بار.

بەككەر سۋ تاسىعان جاعدايدا جەدەل ارەكەت ەتۋ ءۇشىن ارناۋلى جاساق قۇرىلعانىن حابارلادى. ونىڭ سوزىنشە، كوميتەت بولىمشەلەرىنىڭ بارلىعى قاجەتتى تەحنيكامەن جابدىقتالعان.

رەسمي دەرەك بويىنشا، 2018 جىلى كوكتەمدە ەلىمىزدە 58 ەلدى مەكەندە 1600 ءۇيدى ەرىگەن قار مەن جاڭبىر سۋى باسىپ، ءتورت مىڭعا جۋىق ادام قاۋىپسىز جەرگە كوشىرىلگەن بولاتىن.

سوڭعى جاڭالىقتار