20 اقپان 2019, 16:57 863 0 ايماق ارمان قۇدايبەرگەن

تۇركىستانداعى كوپفۋنكتسيونالدى جاستار ورتالىعى

تۇركىستان قالاسىندا جاستار جىلىنا وراي، العاش رەت كوپفۋنكتسيونالدى زاماناۋي، جاڭا ۇلگىدەگى «جاستار رەسۋرستىق ورتالىعى» عيماراتى اشىلدى.

سالتاناتتى اشىلۋ راسىمىنە   وبلىس اكىمى جانسەيىت تۇيمەباەۆ پەن قر قوعامدىق دامۋ ۆيتسە-ءمينيسترى ج.وماربەكوۆا، سونىمەن قاتار «نۇر وتان» پارتياسى تۇركىستان وبلىسى فيليالى توراعاسىنىڭ ءبىرىنشى ورىنباسارى ن.جولداسوۆ,دەپۋتاتتارى مەن قوعام قايراتكەرلەرى قاتىستى. بارلىق اۋدان قالا اكىمدەرى، باسقارما باسشىلارى، رەسپۋبليكالىق قوعامدىق ۇيىمداردىڭ وكىلدەرى  مەن اۋدان، قالالىق جاستار رەسۋرستىق ورتالىقتارىنىڭ باسشىلارى جانە ءوڭىردىڭ  200-دەن استام بەلسەندى جاستارى كەلدى.

ءوڭىر باسشىسى ج.تۇيمەباەۆ جاستار جىلىنىڭ باستالۋىمەن جانە تۇركىستان وبلىسى جاستارىنىڭ جاڭا عيماراتىنىڭ اشىلۋىمەن قۇتتىقتادى.

«مەن بۇگىن سىزدەرمەن اكىم رەتىندە ەمەس، زامانداستارىڭىز رەتىندە ەركىن پىكىر الماسقىم كەلەدى. ويتكەنى ەڭ تالانتتى، ەڭ دارىندى، ەڭ وتانشىل، ەڭ ەڭبەكقور جاستار تۇركىستان وبلىسىندا تۇرادى دەپ ەسەپتەيمىن! بيىل جاستارىمىز ءۇشىن ەرەكشە جىل بولعالى تۇر.  ەلباسىمىزدىڭ تىكەلەي تاپسىرماسىمەن ەلىمىزدە جاستاردى قولداۋ باعىتىنداعى جۇمىستار كۇشەيتىلەدى. وبلىسىمىزدا دا جوسپارلار جاسالىپ، ناقتى جۇمىستار باستالىپ كەتتى. وسى كەزدەسۋدىڭ الدىندا مەن جاڭادان اشىلعان عيماراتتى ارالاپ، تانىسىپ شىقتىم. مۇندا جاستاردىڭ جان-جاقتى دامۋىنا، بويىنداعى ونەرى مەن قابىلەتتەرىن ارتتىرۋىنا تولىق جاعداي جاسالعان. مىسالى، كاسىپكەرلىكپەن اينالىسام دەۋشىلەرگە كوۆوركينگ ورتالىعى، ءىت-park, زاڭگەرلىك كەڭەستەر قاراستىرىلعان. سونىمەن بىرگە ەرىكتىلەر كلۋبى، «جاس سارباز»، ەلەكتروندى كىتاپحانا، تىلدەر مەكتەبى، ينتەرنەت جەلىسى، ءماجىلىس زالى، سپورت الاڭشالارى جانە تاعى باسقا يگىلىكتەر بار. بۇل – سىزدەر ءۇشىن جاسالعان ۇلكەن قولداۋ. ەندى وسى جاستار ورتالىعىندا ورەندەرىمىز ءوز-وزدەرىن دامىتىپ، بىلىمدەرىن شىڭداۋلارى قاجەت»، – دەدى ج.قانسەيىتۇلى.

كوپ فۋنكتسيونالدى جاڭا ۇلگىدەگى جاستار ورتالىعى – ءبىر مەزەتتە 400-گە جۋىق جاسقا قىزمەت كورسەتە الادى. ورتالىقتا «جاستارعا قىزمەت كورسەتۋ» ورتالىعى، «ءموبيلدى توپ»، Turkistan HUB coworking zone, IT PARK, روبوتوتەحنيكا مەكتەپتەرى، كوۆوركينگ الاڭى، ەلەكتروندى كىتاپحانا، «جاس سارباز»، «ەرىكتىلەر مەكتەبى»، «قۇرىلىس جاساقتارى»، «تىلدەر مەكتەبى»، ءتۇرلى جاستار ۇيىمدارى،  مەديا ستۋديا جانە  پسيحولوگيالىق تەراپيا ت.ب كوپتەگەن جاستار كلۋبتارى، مەكتەپتەر مەن ۇيىرمەلەر جۇمىس جاسايدى. سونداي-اق، عيمارات ىشىندە «relax zone» دەمالىس ايماعى، عيماراتتىڭ سىرتقى بولىگىندە فۋتبول، ۆالەيبول، باسكەتبول، تەننيس ويناۋعا ارنالعان سپورتتىق الاڭشالار ورنالاسقان

ايتا كەتەيىك، بۇگىنگى تاڭدا تۇركىستان وبلىسىندا جالپى حالىقتىڭ 25,2 پايىزىن قۇرايتىن،   501 369 جاس بار. ونىڭ ىشىندە 86 416 جاس قالالىق جەردەن بولسا، 414 953 جاس اۋىلدىق  جەردەن.

سونىمەن قاتار، ايماقتىڭ بارلىق اۋىل، قالالارىندا جاستارعا قىزمەت كورسەتەتىن اكىمدىككە قاراستى «جاستار رەسۋرستىق ورتالىقتارى» مەن 4 رەسپۋبليكالىق جاستار ۇيىمدارىنىڭ فيليالى جانە ەتنومادەني ورتالىقتارىنىڭ جانىندا جاستار قاناتتارى جۇمىس ىستەيدى.

سوڭعى جاڭالىقتار