20 اقپان 2019, 16:20 713 0 قوعام نازىم تويلىباەۆا

قازاقستاندا 5G جەلىسى سىناقتان وتكىزىلەدى

قر اقپارات جانە كوممۋنيكاتسيالار ءمينيسترى داۋرەن اباەۆ 5G جەلىسىن ەنگىزۋ جايىندا ايتىپ بەردى،  دەپ xابارلايدى قازاقپارات.

ءمينيستردىڭ ايتۋىنشا، بۇگىندە الەم بويىنشا ۇيالى بايلانىستىڭ جاڭا ۇلگىسى - 5G جەلىسىن ەنگىزۋ ماسەلەسى كەڭىنەن تالقىلانىپ جاتىر. سونىڭ ارقاسىندا فيلمدەردى بىرنەشە سەكۋندتىڭ ىشىندە جۇكتەۋگە مۇمكىندىك بار. باسقا دا تەxنولوگيالاردى جان-جاقتى دامىتۋعا بولادى.

«بيىل قازاقستاندا 5G تەxنولوگياسىن سىناقتان وتكىزۋ جوسپارلانىپ وتىر. وسىدان كەيىن اتالعان جەلىنى رەسپۋبليكا بويىنشا ەنگىزۋ مەرزىمى انىقتالاتىن بولادى»، - دەدى د.اباەۆ مينيسترلىكتىڭ القا ماجىلىسىندە.

ونىڭ ايتۋىنشا، شالعاي جاتقان اۋىلدارعا تالشىقتى-وپتيكالىق جەلىلەر ارقىلى ساپالى ينتەرنەتتى تارتۋ جۇمىستارى دا جالعاسا بەرەدى. وتكەن جىلى 144 مىڭنان استام ادامدى قامتيتىن 56 اۋىلدى ەلدى مەكەن ساپالى ينتەرنەتپەن قامتىلدى. نەگىزگى ماقسات - 1 249 ەلدىمەكەندى كەڭ جولاقتى جەلىمەن قامتاماسىز ەتۋ. جوبانى جۇزەگە اسىرۋ بارىسىندا 20 مىڭ شاقىرىمدى قۇرايتىن تالشىقتى-وپتيكالىق جەلى قۇرىلىسىن سالۋ جوسپارلانىپ وتىر.

ءمينيستردىڭ سوزىنە قاراعاندا، قازىرگى جۇيە تەك الەۋمەتتىك جەلىلەرگە عانا قاتىستى. ال مەسسەندجەرلەرگە تارامايدى.

«ءبىز ءاربىر تەلەفوننىڭ ىشىنە كىرە المايمىز»، - دەپ اتاپ كورسەتتى د.اباەۆ.

سوڭعى جاڭالىقتار