20 اقپان 2019, 14:15 736 0 جاھان نازىم تويلىباەۆا

رەسەيدىڭ «مۋلت» تەلەارناسى قازاق تىلىندە سويلەيدى

قر اقپارات جانە كوممۋنيكاتسيالار ءمينيسترى داۋرەن اباەۆ رەسەيلىك «مۋلت» تەلەارناسىن قازاق تىلىنە كوشىرۋ تۋرالى ايتتى،  دەپ xابارلايدى قازاقپارات.

«قازاقستاندا رەسەيلىك «مۋلت» تەلەارناسى جوعارى رەيتينگ كورسەتىپ وتىر. وسىعان بالانىستى ءبىز اتالعان ارنانى قازاق تىلىندە تاراتۋعا كەلىستىك. باس كەزىندە جەكەلەگەن مۋلتفيلمدەر اۋدارىلادى. ارتىنان بىرتىندەپ قازاق تىلىندە xابار تاراتۋدى ۇلعايتۋ جوسپارلانعان»، - دەدى د.اباەۆ مينيسترلىكتىڭ القا ماجىلىسىندە.

ونىڭ ايتۋىنشا، بيىل مەديا ولشەم جاسايتىن جۇيە ىسكە قوسىلادى. سونىڭ نەگىزىندە تەلەارنالار مەن اقپاراتتىق ونىمدەردىڭ رەيتينگى جاسالادى.

«مەنىڭشە، وسى جۇيە ارقىلى بولاشاعى بار جوبالاردى قارجىلاندىرۋعا بولادى. مەملەكەتتىك-اقپاراتتىق تاپسىرىستىڭ تيىمدىلىگى دە ارتادى»، - دەپ اتاپ كورسەتتى د.اباەۆ.

ايتا كەتەيىك، وتىرىستا داۋرەن اباەۆ تسيفرلىق تەلەxابارلارعا قوسىلاتىن وبلىستاردى اتادى. بىلتىر ەلىمىزدە انالوگتىق تەلە-راديو xابارلاردى تاراتۋدى كەزەڭ-كەزەڭىمەن توقتاتۋ جۇمىستارى باستالعاۇ بولاتىن. بۇگىندە ءتورت ايماق - ماڭعىستاۋ، تۇركىستان، جامبىل وبلىستارى جانە شىمكەنت قالاسى تولىعىمەن تسيفرلىق تەلەديدارعا كوشتى.

«وسىلايشا، اۋىلداعى اعايىن 15 وتاندىق تەلەارنانى، ال وبلىس ورتالىعىنىڭ تۇرعىندارى 30 ارنانى جوعارى ساپادا تاماشالاپ وتىر. بيىل ءبىز الماتى، پاۆلودار مەن قوستاناي ايماقتارىن تسيفرلىق xابار تاراتۋعا اۋىستىرۋدى كوزدەپ وتىرمىز. وسى باعىتتاعى جۇمىستار 2022 جىلى تولىق اياقتالادى دەگەن جوسپارىمىز بار»، - دەدى د.اباەۆ مينيسترلىكتىڭ القا ماجىلىسىندە.

سپۋتنيكتىك قابىلداعىشتار اۋىل تۇرعىندارىنا تەگىن بەرىلەدى. ال قازاقستاننىڭ تەلەxابارلارى رەسەيگە تارالا باستادى.

 

سوڭعى جاڭالىقتار