18 اقپان 2019, 12:19 719 0 ىشكى ساياسات نازىم تويلىباەۆا

ءماجىلىس دەپۋتاتى جاستاردىڭ تۇرعىن ءۇي الۋى ءۇشىن جاس مولشەرىن ۇلعايتۋدى ۇسىندى

ءماجىلىس دەپۋتاتى گۇلنارا يقسانوۆا جاستاردىڭ جالدامالى باسپانا الۋى ءۇشىن جاس مولشەرىن ۇلعايتۋدى ۇسىندى،  دەپ حابارلايدى Tengrinews.kz.

"نۇرلى جەر" باعدارلاماسىن ىسكە اسىرعاننان باستاپ 19 مىڭ پاتەردىڭ 34 پايىزى 28 جاسقا دەيىنگى ادامدارعا بەرىلدى. الايدا، جاستاردىڭ نەمەسە جاس وتباسىنىڭ بارلىق باعدارلامالار بويىنشا تۇرعىن ۇيگە دەگەن مۇقتاجدىعى مەن قامتاماسىز ەتىلۋى جونىندەگى تولىق وزەكتى دەرەكتەر جوق. بۇل مالىمەتتەر ماسەلەلەردى شەشۋ تاسىلدەرىن جوسپارلاۋ ءۇشىن قاجەت. سونىمەن قاتار، تۇرعىن ءۇيدىڭ ءتۇرلى نۇسقالارى تۋرالى ماسەلەنى پىسىقتايتىن كەز كەلدى. بۇل قولجەتىمدى يپوتەكا، ستۋدەنت ءۇشىن عانا ەمەس، جۇمىسشى جاستارعا ارنالعان جاتاقحانالار، قىزمەتتىك، الەۋمەتتىك تۇرعىن ءۇي، تۇرعىن ءۇي كووپەراتيۆتەرى، جەكە قۇرىلىس", - دەدى گۇلنارا يقسانوۆا.

سونداي-اق، دەپۋتات قازاقستاننىڭ ءۇش ميلليون تۇرعىنى بار قالالاردىڭ جاستارىنا تۇرعىن ءۇي ءبولۋ تۋرالى ايتتى.

"جاستاردىڭ جاسى 29-دا ەمەس، 35 جاس شاماسىنداعى جوعارعى شەگىن باسشىلىققا الۋ كەرەك، ويتكەنى قازىر باسقا باعدارلامالار بويىنشا ادامدار شارتتى رەسىمدەگەننەن كەيىن ءۇش جىلدان كەيىن تۇرعىن ءۇي ساتىپ الۋ قۇقىعىن ىسكە اسىرا المايتىن قيىندىقتار بار، سەبەبى ولار 29 جاستان اسىپ كەتكەن"

وسىعان دەيىن، قوعامدىق دامۋ ءمينيسترى دارحان كالەتاەۆ استانا، الماتى جانە شىمكەنت جاستارى 12 مىڭ تەڭگەگە جالعا بەرىلەتىن پاتەرلەردى الۋعا ۇمىتكەر بولا الاتىنىن ايتقان ەدى. ءمينيستردىڭ ايتۋىنشا، پاتەر سالىنعانعا دەيىن اكىمدىكتەر وسى ماقساتتارعا "نارىقتان"باسپانا ساتىپ الاتىن بولادى. الايدا بۇل باعدارلاما بويىنشا تەك 29 جاسقا دەيىنگى جاستار جالدامالى تۇرعىن ۇيگە ۇمىتكەر بولا الادى.

سوڭعى جاڭالىقتار