17 اقپان 2019, 15:55 751 0 ونەر نازىم تويلىباەۆا

ديماش پەن دانەليا The World's Best شوۋىنىڭ ەكىنشى راۋندىندا كىمدەرمەن باق سىنايدى

امەريكانىڭ The World's Best شوۋىنا قاتىسىپ جاتقان قازاقستاندىق انشىلەر ديماش قۇدايبەرگەن مەن دانەليا تولەشوۆا ەكىنشى راۋندتا ونەر كورسەتەدى، دەپ حابارلايدى قازاقپارات.

ەسكە سالا كەتەيىك، «The World's Best» شوۋىنىڭ ەكىنشى ەپيزودىنىڭ قورىتىندىلارى بويىنشا ديماش 100-دەن 98 ۇپاي جيناعان بولاتىن.

ءانشى ءبىرىنشى راۋندتا انسۇيەر قاۋىمنىڭ قۇلاعىنىڭ قۇرىشىن قاندىرعان S.O.S d'un terrien en détresse كومپوزيتسياسىن ورىندادى. ال 12 جاستاعى دانەليا تولەشوۆا ءانشى Andra Day-ءدىڭ Rise up كومپوزيتسياسىن ورىندادى.

ەسكە سالا كەتەيىك، جاس دارىن يەسى وسى انمەن ۋكرايناداعى «گولوس. دەتي» شوۋىندا تىڭدارماندارىن ءتانتى ەتكەن بولاتىن. امەريكان شوۋىنىڭ ءبىرىنشى راۋندىندا دانەليا 100 ۇپايدىڭ 96-سىن ەنشىلەدى.

«The World's Best» ءان بايقاۋىنىڭ YouTube ۆيدەوحوستينگىندەگى رەسمي ارناسىندا ديماش پەن دانەليانىڭ ەكىنشى راۋندتا كىمدەرمەن ونەر جاراستىراتىنى تۋرالى ۆيدەو جاريالاندى.

وندا ديماشقا يتاليالىق ءانشى كريستينا، ال دانەلياعا جاپونيا وكىلى، سكريپكاشى مانامي قارسىلاس بولاتىنى ايتىلعان.

 

سوڭعى جاڭالىقتار