15 اقپان 2019, 11:30 778 0 جاھان Túrkistan Gazeti

ەڭبەك ميگرانتى كوپ ەل

ەۋرازيالىق ەكونوميكالىق وداققا مۇشە ەلدەر اراسىندا ەڭبەك ميگرانتتارىنىڭ سانى بويىنشا رەسەيلىكتەر مەن قىرعىز ەلىنىڭ ازاماتتارى كوش باسىندا. ولاردان بولەك ارمەنيا مەن بەلارۋس رەسپۋبليكاسىنىڭ تۇرعىندارى دا ەڭبەك ميگراتتارىنىڭ سانىن ارتتىرىپ وتىر.

ءبىر عانا وتكەن جىلعى ەسەپ بويىنشا قازاقستاندا 25 مىڭعا جۋىق رەسەيلىك قىزمەت ەتكەن. ايىرقالپاقتى كورشىلەردىڭ سانى 5 جارىم مىڭ بولسا، ارمەنيالىقتار 3 مىڭنان استى. بەلارۋس ەلىنىڭ ازاماتتارى 1 مىڭ 200-گە جۋىقتاپتى. ەڭبەك نارىعى ءىرى سانالاتىن رەسەيدە قىرعىزستاندىقتار كوش ىلگەرى كەلەدى، شامامەن 162 مىڭ ادام. ونان كەيىن 116 مىڭعا جۋىق ارمەنيالىق، 68 مىڭ بەلارۋس جانە 50 مىڭ قازاقستاندىق تىركەلگەن. «ال ارمەنيا، بەلارۋس پەن قىرعىز ەلدەرىندەگى كورسەتكىش ەداۋىر تومەن»، – دەيدى ەڭبەك جانە حالىقتى الەۋمەتتىك قورعاۋ مينيسترلىگىنىڭ ساراپشىلارى.

سوڭعى جاڭالىقتار