9 اقپان 2019, 15:46 706 0 جاڭالىقتار TURKYSTAN.KZ

تالانتتار تانىلعان كەش

جۋىردا الماتى قالاسى بوستاندىق اۋدانى №40 جالپى ءبىلىم بەرەتىن مەكتەپتە باستاۋىش سىنىپ وقۋشىلارى اراسىندا «JAS TALANT – 2019» اتتى ءان-بي بايقاۋى ءوتتى.

اتالعان بايقاۋدى مەكتەپ ديرەكتورى سارباگىسوۆ اسقار تەمىرحانۇلىنىڭ قولداۋىمەن ەلباسىنىڭ «ۇلى دالانىڭ جەتى قىرى» ماقالاسى اياسىندا باستاۋىش سىنىپ مۇعالىمى جاقسىلىكوۆا اسەل بەرىكقىزى ۇيىمداستىردى.

بۇل بايقاۋدىڭ ماقساتى – بالالار بويىنداعى شىعارماشىلىققا دەگەن تالپىنىستى ارتتىرۋ، ولاردىڭ دامۋىنا قولداۋ كورسەتۋ، ءداستۇرلى ءانىمىزدى دارىپتەپ، بي ونەرىنىڭ كەڭ اۋقىمدا وربۋىنە ات سالىسۋ، وسكەلەڭ ۇرپاققا رۋحاني بايلىعىمىزدى دارىپتەۋ، ۇلتتىق ءتالىم-تاربيەنى جاستاردىڭ بويىنا سىڭىرە وتىرىپ، ەستەتيكالىق سانا-تۇيسىگىنىڭ تەرەڭ قالىپتاسۋىنا، ىزگىلىك پەن ادامگەرشىلىككە باۋلۋ.

بايقاۋدىڭ مىندەتتەرى: بالالاردىڭ بويىندا مۋزىكالىق-ەستەتيكالىق تاربيەنى جەتىلدىرۋ، ولاردىڭ شەبەرلىگىن شىڭداۋ، دارىندى وقۋشىلاردى باستاۋىش سىنىپتان انىقتاۋ، جاستاردىڭ ونەرگە دەگەن قۇشتارلىعىن ارتتىرۋ، ساحنا مادەنيەتىنە ۇيرەتۋ.

ونەر بايقاۋى ەسترادالىق ۆوكال جانە بي ونەرى بويىنشا ەكى جانردا ءوتتى.

بايقاۋعا 6-12 ارالىعىنداعى جاس ونەرپازدار قاتىستى. «JAS TALANT - 2019» اتتى سايىسىمىزعا «بوبەك» ۇلتتىق عىلىمي-پراكتيكالىق، ءبىلىم بەرۋ جانە ساۋىقتىرۋ ورتالىعىنىڭ بىلىكتى ۇستازدارى: «ءوزىن-ءوزى تانۋ» ادامنىڭ ۇيلەسىمدى دامۋ گۋمانيتارلىق كوللەدجىنىڭ پەداگوگ-حورەوگرافى، «ەركە-ناز» بي ءانسابلىنىڭ جەتەكشىسى كاريباەۆا سامال ەرجانوۆنا، پەداگوگ-مۋزىكانت، رەسپۋبليكالىق دەڭگەيدەگى مەركەلىك شارالاردىڭ قويۋشى رەجيسسەرى ايدارحانبەكوۆ ەلدوس اليبەكوۆيچ قازىلىق ەتسە، وسى «بوبەك» ۇلتتىق عىلىمي-پراكتيكالىق، ءبىلىم بەرۋ جانە ساۋىقتىرۋ ورتالىعىنىڭ اعا تالىمگەرى وسپانوۆ ولجاس تۇرابايۇلى مەن باستاۋىش سىنىپ مۇعالىمى شاحاباي ۇلبالا مۇحانقىزى بايقاۋدىڭ باستى جۇرگىزۋشىلەرى بولدى.

بايقاۋدىڭ قورىتىندىسى بويىنشا 6-12 جاس ارالىعىندا باق سىناعان ۇمىتكەرلەر ىشىنەن ەسترادالىق ۆوكال جانە بي ونەرى بويىنشا ەكى جانردىڭ باس جۇلدەسىنە يە بولعان دارىندى وقۋشىلار: قازاقستاننىڭ حالىق جازۋشىسى، «اكە سىرى»، «ۇلكەن جولدىڭ ۇستىندە»، «ءبىزدىڭ اۋىلدىڭ قىزى»، «سەنىڭ وزەنىڭ»، «ورالداعى وتتى كۇن»، «اڭىز اتا»، «قۇرمانعازى»، «كۇي داستان»، «جىلدار، جىلدار» پوەمالاردىڭ اۆتورى ەرعاليەۆ حاميت اعامىزدىڭ نەمەرەسى ەرعالي كاۋسار «اناشىم، انا جانىم» ءانىن ايتىپ باس جۇلدەنى يەلەندى. بي جانرى بويىنشا باس جۇلدەنى ءوزىنىڭ ۇزدىك «لەزگينكا» بي ونەرىمەن 1 «ءا» سىنىپ وقۋشىسى سەرىك اماندوس جەڭىپ الدى.

بايقاۋعا قاتىسقان بارلىق ونەرپازدارعا مەكتەپ ديرەكتورىنىڭ العىس حاتتارى تابىستالىپ، باعالى سىيلىقتار بەرىلدى.

شارا سوڭىندا مەكتەپ ديرەكتورى سارباگىسوۆ اسقار تەمىرحانۇلى «JAS TALANT – 2019» اتتى ونەر بايقاۋىنىڭ ۇيىمداستىرۋ شارالارىنا ات سالىسقان اتا-انالار قاۋىمىنا، بايقاۋدىڭ جوعارى دەڭگەيدە وتۋىنە ءبىر اي بويى كۇنى-ءتۇنى ەڭبەك ەتكەن باستاۋىش سىنىپ مۇعالىمدەرى جاقسىلىكوۆا اسەل بەرىكقىزىنا، شاحاباي ۇلبالا مۇحانقىزىنا، مۋزىكا ءپانىنىڭ مۇعالىمى مۇراتوۆ رينات مۇراتۇلىنا العىس ءبىلدىردى.

الماتى قالاسى، بوستاندىق اۋدانى №40 جالپى ءبىلىم بەرەتىن مەكتەپ ديرەكتورىنىڭ تاربيە ءىسى جونىندەگى ورىنباسارى – ەربوشاەۆ ەرمەك

سوڭعى جاڭالىقتار