8 اقپان 2019, 17:31 744 0 جاھان اسەل انۋاربەك

قۇلاعىنداعى وقپەن 11 جىل ءومىر سۇرگەن حارريس

28 جاسار ۇلىبريتانيا تۇرعىنىنىڭ قۇلاعىنان پلاستيك وق تابىلعان. دجەيد حارريس قۇلاعىنداعى وقپەن 11 جىل بويى ءومىر سۇرگەن. بۇل تۋرالى Daily Mail باسىلىمىنا سىلتەمە جاساي وتىرىپ Baq.kz حابارلايدى.

11 جىل بويى قۇلاعىنىڭ ناشار ەستيتىنىنە شاعىمدانىپ جۇرگەن دجەيد حارريسكە تانىستارى دارىگەرگە بارۋعا كەڭەس بەرەدى. وتكەن جىلدىڭ شىلدە ايىندا حارريس وڭ قۇلاعىنا سۋ كىرىپ كەتۋىنە بايلانىستى ماماننىڭ تەكسەرۋىنەن وتەدى. دارىگەرلەر ونىڭ سول قۇلاعىنان بوگدە زاتتى بايقاپ، ونى شىعارىپ الادى. سويتسە، دجەيد ءحارريستىڭ قۇلاعىن تالاي جىلدار بويى پلاستيك وق بىتەپ كەلىپتى.

پلاستيك وقتى كورگەن ساتتە وسىدان 11 جىل بۇرىن ۇيىنە دوستارىن شاقىرىپ، ولارمەن ويىنشىق تاپانشامەن وق اتىپ ويناعانىن ەسكە تۇسىرگەن.  «وقتىڭ ءبىرى ۇستەلدە تۇرعان ستاقانعا ءتيىپ، ودان سوڭ مەنىڭ قۇلاعىما تيگەنىن بىلەمىن. الايدا ول وق ەدەنگە قۇلاعانداي بولىپ كورىنگەن. مەن قۇلاعىمنىڭ اۋىرعانىن وق سوققىسىنان بولعان شىعار دەپ جورامالدادىم»، – دەيدى حارريس.

سوڭعى جاڭالىقتار