8 اقپان 2019, 16:40 889 0 قوعام نازىم تويلىباەۆا

الماتى قالاسى مادەنيەت باسقارماسىنىڭ جاڭا باسشىسى تاعايىندالدى

الماتى قالاسى مادەنيەت باسقارماسىنىڭ جاڭا باسشىسى بولىپ نۇرلان سىدىقوۆ تاعايىندالدى، دەپ حابارلايدى الماتى اكىمدىگىنىڭ ءباسپاسوز قىزمەتى.

ءال-فارابي اتىنداعى قازاق ۇلتتىق ۋنيۆەرسيتەتى مەن قازاقستان رەسپۋبليكاسى پرەزيدەنتى جانىنداعى مەملەكەتتىك باسقارۋ اكادەمياسىنىڭ تۇلەگى.

بۇعان دەيىن ول الماتى قالاسى ىشكى ساياسات باسقارماسىنىڭ باسشىسى بولعان. ءتۇرلى جىلدارى الماتى قالاسى جاستار ساياساتى ماسەلەلەرى جونىندەگى باسقارما باسشىسى، «نۇر وتان» پارتياسى جانىنداعى «جاس وتان» جاستار قاناتىنىڭ توراعاسى قىزمەتتەرىن اتقارعان.

قالا اكىمى قويعان ناقتىلى مىندەتتەردىڭ ىشىنەن مىنالاردى ەرەكشە اتاۋعا بولادى، ولار مادەنيەت مەكەمەلەرىن زاماناۋي رەكرەاتسيونالدى جانە كوڭىل كوتەرەتىن كومپونەنتتەرى بار كوپفۋنكتسيونالدى جانە كەلۋشىلەرگە باعىتتالعان ورتالىقتارعا اينالدىرۋ، سونىمەن قاتار جەكە ينۆەستيتسيالاردى تارتۋعا جاعداي جاساۋ، مادەنيەت پەن دەمالۋدىڭ ينفراقۇرىلىمىن دامىتۋ ءۇشىن قارجىلاندىرۋدىڭ بالامالى جولدارىن قاراستىرۋ. بۇلاردان وزگە، اقپارات، ءبىلىم، عىلىمي-زەرتتەۋ تەحنولوگيالارىن، وزىق تاجىريبە مەن پراكتيكانى ەنگىزە وتىرىپ مادەني مەكەمەلەردىڭ سەرۆيستىك قىزمەتىنىڭ ساپاسىن ارتتىرۋ. سونىمەن قاتار تۋريستىك يندۋسترياعا قاتىستى قالانىڭ تاريحي-مادەني مۇراسىن دامىتۋ جانە جۇرگىزۋ بويىنشا جۇمىستى ودان ءارى جالعاستىرۋ.

سوڭعى جاڭالىقتار