8 اقپان 2019, 10:52 790 0 سپورت TURKYSTAN.KZ

فۋتبول – جاستاردىڭ تاڭداۋى

الماتى قالاسى №40 جالپى ءبىلىم بەرەتىن مەكتەپتىڭ «جارىس ارەنا» سپورت كەشەنىندە الماتى قالاسى بوستاندىق اۋداندىق ءبىلىم ءبولىمىنىڭ قولداۋىمەن، №40 جالپى ءبىلىم بەرەتىن مەكتەپتىڭ ۇيىمداستىرۋىمەن «2019 جىلى – جاستار جىلىنا» وراي اۋداندىق «فۋتبول – جاستاردىڭ تاڭداۋى!» اتتى 9-11 سىنىپ وقۋشىلارى اراسىنداعى شاعىن فۋتبولدان جارىس ءوتتى.

جارىستى №40جبب مەكتەپ ديرەكتورى سارباگىسوۆ اسقار تەمىرحانۇلى اشىپ بەرىپ، سايىسقا قاتىسۋشىلارعا ساتتىلىك تىلەدى. جارىسقا جالپى اۋداننىڭ توعىز (№21, 40, 60,63,70,92,93,145,146) مەكتەبىنىڭ كوماندالارى قاتىسىپ، ويىن ناتيجەسىندە ۇلدار اراسىنداعى ويىندا ءى ورىندى №145 جالپى ءبىلىم بەرەتىن مەكتەپتىڭ ۇلدار كومانداسى يەلەنسە، قىزدار اراسىنداعى ويىندا №21 گيمنازيانىڭ قىزدار كومانداسى ۇزدىك ويىن كورسەتىپ

ءى ورىندى جەڭىپ الدى. جارىس سوڭىندا مەكتەپ ديرەكتورى سارباگىسوۆ اسقار تەمىرحانۇلى «2019 جىلى – جاستار جىلىنا» وراي شاعىن فۋتبولدان اۋداندىق سايىس ۇيىمداستىرعان مەكتەپتىڭ دەنە شىنىقتىرۋ ءپانىنىڭ مۇعالىمدەرى العاداەۆ قايرات قۋانىشۇلىنا، سارسەنباەۆا ارۋجان نۇرجانقىزىنا العىس ءبىلدىردى. جارىس جەڭىمپازدارىنا ۇيىمداستىرۋشىلار تاراپىنان ماداقتاما قاعازدارى تابىس ەتىلدى.

ەربوشاەۆ ەرمەك باقىتبەكۇلى، №40 جالپى ءبىلىم بەرەتىن مەكتەپ ديرەكتورىنىڭ تاربيە ءىسى جونىندەگى ورىنباسارى

سوڭعى جاڭالىقتار