7 اقپان 2019, 16:10 457 0 قوعام TURKYSTAN.KZ

ماماندىققا ادالدىق

ۇستاز بولىپ، شاكىرت تاربيەلەۋ ەرىكشە ەرىك-جىگەردى، زور قايراتتى تالاپ ەتەدى. ۇستازدىقتىڭ بيىك شىڭى ابزالدىق الىپپەسىنەن باستالسا كەرەك. ەلىمىزدە جارتى عاسىردان استام عۇمىرىن مەكتەپ قابىرعاسىندا وتكىزگەن ۇستازداردىڭ سانى از. سونداي ابزال ازاماتتاردىڭ ءبىرى ءھام بىرەگەيى مىرزاحان قاباسوۆ.

الماتى قالاسىنداعى №98 مەكتەپتە ارداگەر ۇستاز،  «ىبىراي التىنسارين» توسبەلگىسىنىڭ يەگەرى مىرزاحان قابباسوۆپەن كەزدەسۋ كەشى ءوتتى. ەڭبەك كىتاپشاسىنا ەكى مەكەمەنىڭ ءمورى باسىلعان ۇستاز بۇل كۇندە شاكىرتتەرىنە عانا ەمەس، بارلىق مۇعالىمدەرگە ۇلگى. سانالى عۇمىرىنىڭ 51 جىلىن ماتەماتيكا عىلىمىنا ارناپ، شاكىرتتەرىن ءبىلىم نارىمەن سۋسىنداتتى. مەرەكەلىك شارادا ءسوز العان مەكتەپ ديرەكتورى مىرزاحان قاباسوۆتىڭ ماماندىعىنا ادالدىعىن ايتىپ، كاسىبي شەبەرلىگىن ايگىلەدى. مىرزاحان قاباسوۆپەن كەزدەسۋ كەشىنە مەدەۋ اۋدانىنىڭ ورىنباسارى عاني مايلىباەۆ، قۇرمەتتى قوناقتار مەن باق  وكىلدەرى قاتىستى.

مىرزاحان قاباسۇلى 1998 جىلى مەدەۋ اۋداندىق وقۋ ءبولىمىنىڭ جولداماسىمەن №98 مەكتەپكە ماتەماتيكا ءپانىنىڭ مۇعالىمى بولىپ ورنالاستى. سودان بەرى اتالعان وقۋ ورنىندا ەڭبەك ەتىپ، ۇلگىلى ۇستاز اتاندى. الماتى قالالىق ءبىلىم جەتىلدىرۋ ينستيتۋتىمەن تىعىز شىعارماشىلىق بايلانىس ورناتىپ، لەكتسيالار وقىدى. وقۋ باعدارلامالارى مەن تەست تاپسىرمالارىن دايىندادى. 2000 جىلى رەسپۋبليكا مەكتەپتەرىنە ارنالعان تەست تاپسىرمالارىن قۇراستىرۋشىلاردىڭ ءبىرى بولدى. «ورتا مەكتەپتە لوگاريفم تاقىرىبىن وقىتۋ تۋرالى»، «ەلەمەنتتەر ماتەماتيكانىڭ نەگىزگى فورمۋلالارى»، «الگەبرا جانە اناليز باستامالارىنان ەسەپتەر جيناعى»، «ماتەماتيكادان ۇبت تاپسىرۋشىلارعا كومەكشى قۇرال» سىندى وقۋ قۇرالدارىنىڭ اۆتورى.

سوڭعى جاڭالىقتار