6 اقپان 2019, 15:31 966 0 كولىك نازىم تويلىباەۆا

Fly Arystan بيلەتتەرى قاشان ساتىلىمعا شىعادى

قر يندۋستريا جانە ينفراقۇرىلىمدىق دامۋ ءمينيسترى جەڭىس قاسىمبەك قازاقستاندا اشىلاتىن جاڭا لوۋكوستەر Fly Arystan جۇمىسى جونىندە پىكىر ءبىلدىردى، دەپ حابارلايدى قازاقپارات.

"بيىل مامىر ايىندا Fly Arystan اۋە كومپانياسى ءوز جۇمىسىن باستايدى. ەكى بورتى قازاقستاندا دايىن تۇر. جىل سوڭىنا دەيىن سۋ جاڭا ءتورت ا320 ۇشاقتارى الىنادى. قازىرگى ۋاقىتتا اۋە كومپانياسىنىڭ جۇمىسى بويىنشا زاڭناماعا سايكەس وزگەرتۋلەر ەنگىزىپ جاتىرمىز", - دەدى جەڭىس قاسىمبەك ۇكىمەت ۇيىندە "وتاندىق ءوندىرىستى دامىتۋ جانە كولىك-لوگيستيكا سالاسىن جاڭعىرتۋ" بريفينگىندە.

ونىڭ ايتۋىنشا، بيلەت قۇنى قازاقستاندا Air Astana باعاسىنان ەكى ەسەگە ارزان بولادى.

"ماسەلەن، ءتۇرلى باعىتقا Air Astana بيلەتتەرى شامامەن 100 دوللاردى قۇرايدى. بۇل باعا ساتىپ الۋ مەرزىمىنە بايلانىستى وزگەرىپ وتىرادى: ءبىر اپتا تۇرىن الساڭىز - ءبىر باعا، ءۇش كۇن بۇرىن الساڭىز - باسقا باعا دەگەندەي. Fly Arystan بيلەتتەرى قازاقستان باعىتتارى بويىنشا شامامەن 40-45 دوللار بولادى دەپ بولجاپ وتىرمىز. دەمەك، قازاقستانداعى Air Astana, BekAir, Scat كومپانيالارىنان اناعۇرلىم تومەن", - دەدى مينيستر.

ناۋرىز ايىنىڭ باسىنان باستاپ، مامىر ايىندا ۇشاتىن Fly Arystan بيلەتتەرىن ساتىپ الۋعا بولادى.

ء"بىزدىڭ مىندەتىمىز - قازاقستان ازاماتتارىنا ۇشاق بيلەتىن قولجەتىمدى ەتۋ. مۇندا كورسەتىلەتىن قىزمەت تە وزگەشەلەۋ بولادى. ادەتتەگىدەي تەگىن 20 كەلى ەمەس، 5 كەلى جۇك ورنى بەرىلەدى. ودان ارتىق جۇك ءۇشىن قوسىمشا اقى تولەۋگە تۋرا كەلەدى. جاڭا اۋە جەلىسىنە بيۋدجەتتەن نەمەسە سامۇرىق-قازىنادان قوسىمشا قارجى بولىنبەيدى. بۇل كومپانيا Air Astana قاراجاتى ەسەبىنەن جۇمىس ىستەيدى", - دەپ ءتۇسىندىردى ج. قاسىمبەك.

 

سوڭعى جاڭالىقتار