4 اقپان 2019, 18:51 957 0 قاۋىپسىزدىك دينارا مىڭجاسارقىزى

ىزدەنىس پەن تالپىنىستى تۋ ەتكەن كۋرسانت

سپورتتىڭ ادام ومىرىندە الاتىن ورنى زور ەكەندىگىن ءبارىمىز بىلەمىز. سپورتپەن اينالىسقان ادامنىڭ دەنساۋلىعى مىقتى، ءوزى شىدامدى بولادى. ءبىزدىڭ اتا-بابالارىمىز ء“تانى ساۋدىڭ – جانى ساۋ” - دەپ بەكەر ايتپاعان. سپورتتىڭ قاي تۇرىمەن اينالىسۋ ادامنىڭ قابىلەتىنە بايلانىستى بولادى.

قۇرلىق اسكەرلەرىنىڭ اسكەري ينستيتۋتىندا 4 كۋرسانتتىق باتالونىندا    جانىمەن دە، تانىمەن دە سپورتقا بەرىلگەن جان –ۋنايگاليەۆ دارحان اتتى كۋرسانت وقيدى.

دارحان 1997 جىلى ورال قالاسىندا ومىرگە كەلگەن. وسى قالادا №4 ورتا مەكتەپتە ءبىلىم العان.    7 جاسىنان باستاپ سپورتتى وزىنە سەرىك ەتكەن.  اكەسى قامبار بالاسىنىڭ باستامالارىنا ارقاشان قولداۋ كورسەتىپ، ۇلىنىڭ جەڭىستەرىنە شىنايى قۋانادا جانە قولداۋ كورسەتە دە بىلگەن.

دارحان مەكتەپ قابىرعاسىندا ءجۇرىپ سۋ پولوسىن يگەرەدى. كەيىننەن مەكتەپتى ءبىتىرىپ قۇرلىق اسكەرلەرىنىڭ اسكەري ينستيتۋتىنىڭ كۋرسانتى اتالعان سوڭ دا دارحان سپورتتى تاستاماي، ودان ارىقاراي  شۇعىلدانادى. ينستيتۋت قابىرعاسىندا كۋرسانت ۋنايگاليەۆ باپكەر پودپولكوۆنيك اسان نارتاەۆتىڭ قول استىندا وفيتسەرلىك ءۇش سايىس بويىنشا جاتتىعا باستايدى. ءوزىنىڭ ەڭبەكقورلىعىمەن، كۇش جىگەرىنىڭ ارقاسىندا  2016 جىلى  كۋرسانت دارحان ۋنايگاليەۆ قازاقستان رەسپۋبليكاسى قارۋلى كۇشتەرىنىڭ سپارتاكياداسى شەڭبەرىندە اسكەري ءۇش سايىسىنان كۇمىس  مەدالىن جەڭىپ الدى. كازىرگى كۇنى بولاشاق وفيتسەر دارحان ۋنايگاليەۆ جۇزۋدەن جانە سۋ پولوسىنان I رازريادتىق سپورتسمەن، سونىمەن قاتار اسكەري ءۇش سايىسىنان سپورت شەبەرىنە ۇمىتكەر.

-      «شىنىقساڭ – شىمىر بولاسىڭ» دەمەكشى، سپورت ادام بالاسىنا قاشان دا پايدالى. سپورت – مىنەز-قۇلىقتى، ەرىك پەن كۇش-جىگەردى شىڭدايدى. وسى سپورتتىڭ ارقاسىندا         مەن اسكەري كۋرسانتتىق ومىرگە تەز داعدىلاندىم، قينالمادىم. ماعان كىشكەنە كەزىمنەن اكەم ۇيرەتكەن: -«جۇرەگىڭ قالاعان ىسكە التىن ۋاقىتىڭ مەن كۇش-جىگەرىڭدى ەشقاشان اياما،  سول ءىستىڭ بيىكتىگى،  قول جەتپەستىگىنە قاراماي، شىڭىن باعىندىرۋعا تىرىس دەپ. مەن بالالىق شاعىمنان باستاپ، الدىما قويعان ماقساتىما جەتۋىم ءۇشىن كۇشىمدى ەشقاشان ايانبايمىن، دەيدى داررحان.

كۋرسانت ۋنايگاليەۆ  سپورتتا عانا ەمەس، وقۋدا دا ۇزدىكتەر قاتارىندا. ول  بولاشاقتا دەسانتتىق-شابىلداۋشى اسكەرلەرىنىڭ وفيتسەرى. بۇگىنگى كۇنى دارحان  بولاشاق ماماندىعىنىڭ كىر-سىرىن  زەرتتەپ، ىزدەنىس پەن تالپىنىستى تۋ ەتىپ كەلە جاتقان جان. جۇرگەن جەرىندە ۇجىمىنىڭ ۇيىتقىسى بولا بىلگەن كوشباسشى.

ايدا بەكتۋروۆا، قۇرلىق اسكەرلەرىنىڭ اسكەري ينستيتۋتى ءباسپاسوز قىزمەتى 

سوڭعى جاڭالىقتار