24 قاڭتار 2019, 14:24 856 0 قوعام "تۇركىستان" گازەتىنىڭ اۆتورلارى

جانسەيىت تۇيمەباەۆ: ۇلى مۇراتقا جۇمىلدىرعان گازەت

كەزىندە قازاقتىڭ زاڭعار جازۋشىسى مۇحتار اۋەزوۆ «ادامدا ەكى ءتۇرلى قىلىقتىڭ جولى بار، ءبىرى – تىرشىلىك قامى، ءبىرى – ادامشىلىق قامى» دەگەن ەكەن. اقپاراتتار اعىنى تاسقىنداعان الماعايىپ زاماندا رەيتينگ قۋالاۋدىڭ ەمەس، ۇلتتى ۇلى مۇراتقا جۇمىلدىرۋ قامىمەن ەڭبەك ەتىپ جۇرگەن بۇل باسىلىمعا ەل العىسى شەكسىز.

ادىلدىك، شىنايىلىق جانە تەرەڭنەن تولعاۋ، ۇلت رۋحانياتى مەن مۇددەسىن قىزعىشتاي قورعاۋ – «Túrkistan» گازەتىنىڭ باستى ۇستانىمدارى. وسى ەڭبەكتەرىڭىزبەن ەل سەنىمىن اقتاپ جۇرسىزدەر. تانىمال ءسوز زەرگەرى قالتاي اعامىز باستاعان تالاي كوسەمسوز تارلاندارى مەن جالىندى جۋرناليستەردىڭ ءىزى قالعان بۇل باسىلىم تەك قازاق حالقى عانا ەمەس، تۇتاس تۇركى الەمىن دە جاقىنداستىرۋعا ۇلەس قوسۋدا. بىلتىر  پرەزيدەنتىمىز نۇرسۇلتان ءابىشۇلىنىڭ باستاماسىمەن تۇركىستان وبلىسى قۇرىلىپ، تۇركىستان قالاسىندا اۋقىمدى قۇرىلاس باستالعانىن بىلەسىزدەر. الدىمىزدا تۇركىستاندى تۇركى الەمىنىڭ مادەني-رۋحاني ورتالىعىنا اينالدىرۋ مىندەتى تۇر.

دەمەك «Túrkistan» گازەتىنىڭ ۇلى مۇراتى جاڭا ءداۋىرى باستالعان تۇركىستان وبلىسى مەن تۇركىستان قالاسىنىڭ دامۋ جوسپارىمەن جانە ەلباسىمىزدىڭ ساياساتىمەن تولىق ۇيلەسىپ تۇر. سوندىقتان ارىپتەستىگىمىز تەرەڭدەي تۇسەدى دەگەن ويدامىن.

ەندەشە، ەل بىرلىگى مەن رۋحانياتىن ۇلىقتاپ، ۇلى دالا ەلىنىڭ جارقىن بولاشاعى ءۇشىن ايانباي قىزمەت ەتىپ جۇرگەن گازەت ۇجىمىنا شىعارماشىلىق شابىت، وتباسىلارىنا اماندىق، ءاربىر قىزمەتكەرىنە ۇزاق ءومىر تىلەيمىن! جىگەرلى قالامگەر قۋات اۋەسباي باستاعان «تۇركىستان» گازەتىنىڭ ورەلى ورەندەرى قازاقستاننىڭ گۇلدەنۋىنە ۇلەس قوسا بەرەدى دەپ سەنەمىن! ەل گازەتى ماڭگىلىك ەلمەن بىرگە جاساي بەرسىن!

سوڭعى جاڭالىقتار