19 قاڭتار 2019, 12:16 1047 0 تەحنولوگيالار نازىم تويلىباەۆا

ساداقا بەرۋگە ارنالعان ءموبيلدى قوسىمشا ىسكە قوسىلدى

قازاقستاندا ساداقا بەرۋگە ارنالعان ءموبيلدى قوسىمشا ىسكە قوسىلدى، دەپ حابارلايدى قازاقپارات.

قمدب ءباسپاسوز قىزمەتىنىڭ حابارلاۋىنشا، «قازاقستان مۇسىلماندارى ءدىني باسقارماسى جانىنداعى «زەكەت» كورپوراتيۆتىك قايىرىمدىلىق قورى ساداقا، زەكەت بەرۋ جۇيەسىن وڭتايلاندىرۋ ماقساتىندا قوردىڭ ءموبيلدى قوسىمشاسىن ىسكە قوستى.

قوسىمشادا «زەكەتتى ەسەپتەۋ»، «زەكەت كىتابى»، «قور تۋرالى»، «ءبىزدىڭ ءىس-شارالار»، «ونلاين ساداقا جاساۋ»، «مۇقتاج جاندار بازاسى» سىندى باستى مازىرلەر ارقىلى قاجەتتى كەڭەستەر، اقپاراتتار مەن مالىمەتتەر الۋعا بولادى.

«ءموبيلدى قوسىمشانى ىسكە قوسۋداعى نەگىزگى ماقساتىمىز - قايىرىمدىلىق كومەك كورسەتۋگە، زەكەت بەرۋگە نيەت بىلدىرگەن ازاماتتارعا قولايلى مۇمكىندىك جاساۋ. قوسىمشاعا كومەككە اسا ءزارۋ جانداردىڭ ورتاق بازاسىن ەنگىزدىك. وندا ناۋقاستىڭ اتى-ءجونى، تۇرعىلىقتى مەكەن-جايى، مەديتسينالىق انىقتامالار جانە تاعى باسقا قاجەتتى قۇجاتتار جۇكتەلگەن. «ونلاين ساداقا جاساۋ» ءمازىرى ارقىلى اتالعان كىسىگە كومەك بەرە الاسىز. قوردىڭ باستى ۇستانىمى - ەلىمىزدە شاريعات بويىنشا ساداقا-زەكەت بەرۋ ءداستۇرىن قالىپتاستىرۋ، قارجىلىق مولدىرلىكتى، بارىنە بىردەي اقشالاي اشىقتىقتى قامتاماسىز ەتۋ»، - دەيدى «زەكەت» قورىنىڭ ديرەكتورى تالعات وماروۆ.

ونىڭ ايتۋىنشا، ءموبيلدى قوسىمشانىڭ ءبىر ەرەكشەلىگى، اۆتوماتتى ەسەپتەگىش (كالكۋلياتور) قۇرالى زەكەت بەرۋ كورسەتكىشىنە جەتكەن مال-مۇلىكتىڭ، ياعني جيناقتالعان قارجىنىڭ زەكەتىن بىردەن انىقتايدى. ءموبيلدى قوسىمشانى «Play Mapكەت» جۇيەسى ارقىلى «قمدب زەكەت» ءسوزىن جازىپ، جۇكتەپ الۋعا بولادى.

سوڭعى جاڭالىقتار