16 قاڭتار 2019, 12:37 1043 0 قوعام نازىم تويلىباەۆا

سەمەيلىك ءوز پاتەرىن قوقىس پوليگونىنا اينالدىرعان

سەمەيدە ءوز پاتەرىن قوقىس ايماعىنا اينالدىرعان تۇرعىنعا سوت شەشىمى شىقتى، دەپ حابارلايدى قازاقپارات.

قالاداعى قوزباعاروۆ كوشەسىندەگى   كوپقاباتتى ۇيلەردىڭ بىرىندەگى پاتەر قوقىس پوليگونىنا اينالعان.  قالا تۇرعىنى بىرنەشە جىل بويى  دالاداعى قاتتى تۇرمىستىق، مەتالل، تاماق قالدىقتارى مەن ەسكىرگەن كيىم-كەشەك، قابىرعا قاعازدارى مەن باسقا دا زاتتاردى ۇيىنە جيناي بەرگەن. تاۋ بوپ ۇيىلگەن قوقىس قالدىقتاردان پاتەرگە اتتاپ باسۋ مۇمكىن ەمەس.

قولقانى قاباتىن ءيىس بىلاي تۇرسىن، لاس پاتەردە  ءتۇرلى جاندىكتەر مەن كەمىرگىشتەر كوبەيىپ،  ءۇي تۇرعىندارىنىڭ ەسىن شىعارعان. سەبەبى، ءبىرىنشى قاباتتاعى تاراقاندار 5-ءشى قاباتتاعى پاتەرلەردى دە جاۋلاپ العان.  تۇرعىندار ءۇي يەسىن جونگە سالا الماعان سوڭ سوتقا جۇگىنگەن. ازاماتتىق ءىستى قاراعان سەمەي قالالىق سوتى پاتەر يەسىنە شەشىم كۇشىنە ەنگەن كۇننەن باستاپ 10 كۇن ىشىندە ءۇيدى قوقىستان بوساتۋعا مىندەتتەدى.

«تۇرعىن ءۇي قاتىناستارى تۋرالى» زاڭىنىڭ 4 بابىنىڭ 2 تارماعىنا سايكەس  (تۇرعىن ۇيلەردi پايدالانۋ)تۇرعىن ءۇيدi پايدالانۋ ونىڭ بۇزىلۋىنا نەمەسە بۇلiنۋiنە اكەلiپ سوقپاۋعا، باسقا تۇرعىنداردىڭ تۇرۋ جاعدايلارىن بۇزباۋعا، قورشاعان ورتاعا زالال كەلتiرمەۋگە تيiس»،-دەدى سەمەي قالالىق سوتىنىڭ  ءباسپاسوز قىزمەتىنەن.

 

سوڭعى جاڭالىقتار