8 قاڭتار 2019, 15:42 923 0 قوعام نازىم تويلىباەۆا

شقو اكىمىنىڭ اپپارات باسشىسى تاعايىندالدى

ايماق اكىمى دانيال احمەتوۆتىڭ وكىمىمەن وبلىس اكىمى اپپاراتىنىڭ باسشىسى بولىپ جاسۇلان سارسەباەۆ تاعايىندالدى، دەپ حابارلايدى قازاقپارات ءتىلشىسى اكىمدىكتىڭ ءباسپاسوز قىزمەتىنە سىلتەمە جاساپ.

جاسۇلان بىرلىكۇلى سارسەباەۆ 1986 جىلى 22 شىلدەدە بۇرىنعى سەمەي وبلىسى اياگوز قالاسىندا دۇنيەگە كەلگەن. ماماندىعى زاڭگەر.

ەڭبەك جولىن «قازاقستانداعى جاس زاڭگەرلەر قاۋىمداستىعى» رەسپۋبليكالىق قوعامدىق بىرلەستىگى سەمەي قالاسى بويىنشا فيليالىنىڭ ديرەكتورى بولىپ باستاعان.

ءار جىلداردا شىعىس قازاقستان وبلىسىنىڭ ىشكى ساياسات باسقارماسىنىڭ ءدىني بىرلەستىكتەر جانە ساياسي پارتيالارمەن جۇمىس بويىنشا ءبولىمنىڭ باس مامانى، مادەنيەت باسقارماسى باسشىسىنىڭ ورىنباسارى، جاستار ساياساتى ماسەلەلەرى باسقارماسىنىڭ باسشىسى قىزمەتتەرىن اتقارعان.

2015 جىلدان بەرى شىعىس قازاقستان وبلىسىنىڭ تۋريزم جانە سىرتقى بايلانىستار باسقارماسىنىڭ باسشىسى بولىپ قىزمەت ەتكەن.

سوڭعى جاڭالىقتار