7 جەلتوقسان 2018, 16:52 896 0 سىرتقى ساياسات نازىم تويلىباەۆا

قىتاي بيلىگى قاشىپ جۇرگەن جەمقور كۇدىكتىلەرگە ءوز ەركىمەن ورالۋعا ۋاقىت بەردى

حابار 24
حابار 24

قىتايدىڭ شەت مەملەكەتتە قاشىپ جۇرگەن لاۋازىمدى قىزمەتكەر ءوز ەركىمەن ەلىنە ورالدى، دەپ حابارلايدى «حابار 24».

سيامەن قالاسى قوعامدىق قاۋىپسىزدىك باسقارماسى باسشىسىنىڭ بۇرىنعى ورىنباسارى چجەن دۋنتسيان جەمقورلىق بابى بويىنشا ايىپتالعان بولاتىن. 165 جاستاعى ەكس-قىزمەتكەر وسىدان ەكى جىل بۇرىن ءىزىن سۋىتقان. قىتاي كومۋنيستىك پارتياسى ءتارتىپتى قاداعالاۋ كوميسسياسى تاراتقان مالىمەتكە سايكەس، 2016 جىلدان بەرى ۇستاتپاي جۇرگەن چجەن دۋنتسيان پوليتسياعا ءوزى كەلدى. بۇل – وسىمەن ءوز ەركىمەن بەرىلگەن ءتورتىنشى شەندى. جالپى ەكونوميكالىق قىلمىس نەمەسە قىزمەت بابىن اسىرا پايدالاندى دەگەن كۇدىككە ءىلىنىپ، ىزدەۋدە جۇرگەن 50 ادام بار.

ەستەرىڭىزگە سالايىق، قىتاي شەتەلدە قاشىپ جۇرگەن جەمقور كۇدىكتىلەرگە جىل سوڭىنا دەيىن ءوز ەركىمەن بەرىلۋىن تالاپ ەتتى. سوندا جازاسى جەڭىلدەيدى، ءتىپتى قامالماۋى دا مۇمكىن. بۇل ناۋقان جەلتوقساننىڭ 31-نە دەيىن جالعاسادى.

سوڭعى جاڭالىقتار