3 جەلتوقسان 2018, 11:14 1108 0 ىشكى ساياسات نازىم تويلىباەۆا

نازارباەۆ جاستاردى قىتاي ءتىلىن ۇيرەنۋگە شاقىردى

قازاقستان پرەزيدەنتى نۇرسۇلتان نازارباەۆ جاستاردى شەتەل ءتىلىن، اسىرەسە قىتاي ءتىلىن ۇيرەنۋگە شاقىردى دەپ حابارلايدى قازاقستاندىق ءباسپاسوز قۇرالدارى، دەپ حابارلايدى centralasian.org.

مەملەكەت باسشىسى بۇل تۋرالى بۇگىن استانادا "نازارباەۆ زياتكەرلىك مەكتەپتەرى" (نزم) دەربەس ءبىلىم بەرۋ ۇيىمىنىڭ 10 جىلدىعىنا ارنالعان "ۇلى دالا مۇراگەرلەرى" اتتى فورۋمدا ايتقان.

"بيىلعى وقۋ جىلىندا نزم وقۋشىلارى ەكىنشى شەتەل ءتىلىن ءوز تاڭداۋى بويىنشا وقي باستادى. جاھاندانۋ داۋىرىندە شەتەل تىلدەرىن ءبىلۋ ءومىر قاجەتتىلىگى بولىپ وتىر. ەڭ كوپ تاراعان ءتىل – اعىلشىن، ەكىنشى ورىندا يسپان ءتىلى دەپ سانالادى. بىراق ءبىز ءۇشىن قىتاي ءتىلى وتە ماڭىزدى", - دەگەن نازارباەۆ.

ول قازىرگى كەزدە قازاقستاننىڭ جالپى سىرتقى ساۋدا كولەمىنىڭ 20 پايىزىن قىتايمەن اراداعى ساۋدا قۇرايتىنىن ايتقان. ال رەسەيمەن كورسەتكىش - 22, ەۋروپا وداعىمەن - 30 پايىزدى قۇرايدى.

"جاپونيادا دا، قىتايدا دا بيزنەس اعىلشىن تىلىندە سويلەيدى، بىراق ەكونوميكالىق بايلانىس ميللياردتى قۇرايتىن قىتاي ءتىلى باسىم بولاتىنىن كورسەتەدى. مەن ۇيرەنىپ كورگەن جوقپىن، بىراق وزگەلەرمەن سالىستىرعاندا قازاقتارعا جەڭىل دەپ ايتادى", - دەگەن نازارباەۆ.

سوڭعى جاڭالىقتار