15 قاراشا 2018, 15:44 1185 0 ءبىلىم Túrkistan Gazeti

كادەت سىنىپتارى دامىپ كەلەدى

الماتى وبلىسىندا قۇقىق قورعاۋ باعىتىن نەگىزگە العان كادەت سىنىبىندا ءبىلىم الۋشىلاردىڭ سلەتى ۇيىمداستىرىلدى.

وتەگەن باتىر كەنتىندە وتكەن شاراعا تالدىقورعان قالاسى مەن ىلە اۋدانىنىڭ مەكتەپتەرىندەگى 150-دەن استام كادەت قاتىستى. الماتى وبلىسىندا نەگىزى قالانعان «جاس پوليتسيا» كادەت قوزعالىسى دامۋ ۇستىندە. قازىرگى تاڭدا ءتورت جالپى ءبىلىم بەرەتىن مەكتەپتە 5 كادەت سىنىبى جۇمىس جاسايدى. پيلوتتىق جوبا رەتىندە العاشقى كادەت سىنىبى بىلتىر ىلە اۋدانى، وتەگەن باتىر كەنتىنىڭ №7 ورتا مەكتەبىندە اشىلعان. كەيىننەن ارناۋلى سىنىپتار اۋداننىڭ باسقا ءۇش مەكتەبىندە اشىلدى. پوليتسيالىق باعىتتى ۇستانعان العاشقى كادەت سىنىبىن اشۋ يدەياسىن وبلىس باسشىسى اماندىق باتالوۆ ۇسىنىپ، ءوزى قولداۋ كورسەتىپ كەلەدى. ءىس-شارا بارىسىندا سلەتكە كەلگەن كادەتتەر قارۋ-جاراقتى بولشەكتەۋ جانە ونى قايتا قۇراستىرۋ، ساپتىق اندەردى ورىنداۋ، ساپتىق دايىندىق بويىنشا ءوز ونەرلەرىن كورسەتتى. جيىن سوڭىندا جيىلعان كورەرمەندەرگە ءان مەن كۇيدەن شاشۋ شاشتى. ەلىمىزدىڭ شىنايى پاتريوتى بولۋعا ىقپال ەتەتىن كادەت سىنىپتارىنا اتا-انالار تاراپىنان قىزىعۋشىلىق باسىم. الداعى ۋاقىتتا وبلىستىڭ باسقا اۋداندارىندا دا كادەت سىنىپتارىن اشۋ جوسپارلانعان. كەلەر جىلى ءۇشارال جانە قاپشاعاي قالالارىندا اشىلۋى مۇمكىن.

 

سوڭعى جاڭالىقتار