25 ناۋرىز 2015, 14:44 2125 0 جاڭالىقتار اسەل انۋاربەك

فرانتسياداعى ۇشاق اپاتىنان ءۇش قازاقستاندىق قازا تاپتى

فرانتسيانىڭ وڭتۇستىگىندە اپاتقا ۇشىراعان Airbus A320 ۇشاعىندا ءۇش قازاقستاندىق بولىپتى. بۇل تۋرالى قر سىرتقى ىستەر مينيسترلىگىنىڭ ءباسپاسوز قىزمەتى حابارلادى.
كەشە اپاتقا ۇشىراعان اۋە كەمەسىنىڭ بورتىندا 1965 جىلى تۋعان قر ازاماتى يمانعاليەۆ ەربول بازارالىۇلى، 1966 جىلى تۋعان يسەنعاليەۆا ايجان سارىمقىزى جانە 1989 جىلى تۋعان يمانعاليەۆ ءادىل ەربولۇلى بولعان. اتالعان قازاقستان ازاماتتارىنىڭ قازاسىن قر سىرتقى ىستەر مينيسترلىگى راستاپ وتىر. «قازا تاپقانداردىڭ وتباسىلارى مەن جاقىندارىنا قايعىرىپ كوڭىل ايتامىز. مۇنىمەن قاتار، گەرمانيا ۇكىمەتىنىڭ مالىمەتىنشە، ۇشاق بورتىندا قازاقستان ازاماتشاسى بلەس ەلەنا دا بولعان. قازىرگى ۋاقىتتا سايكەس ورگاندار بۇل مالىمەتتى ناقتىلاپ جاتىر»، – دەپ حابارلادى قر ءسىم ءباسپاسوز قىزمەتى. سونداي-اق، اپاتقا ۇشىراعان Airbus A320 ۇشاعىندا قازاقستاندا دۇنيەگە كەلگەن وپەرا ءانشىسى ولەگ برىجاكتىڭ دا بولعانى انىقتالعان بولاتىن. 1960 جىلى دۇنيەگە كەلگەن وپەرا ءانشىسى ۇشاق بورتىندا قازا تاپقاندىعىن ديۋسسەلدورف وپەراسىنىڭ باسشىلىعى راستادى. مۇنداي اقپارات گەرمانيالىق «Bild» باسىلىمىندا جاريالاندى. ديۋسسەلدورف وپەرا تەاترىنىڭ باس ديرەكتورى كريستوف مايەر اتالعان باسىلىمعا بەرگەن سۇحباتىندا: «ءبىز ناعىز ءانشى، ۇلى ادام ولەگ برىجاكتان ايرىلدىق»، – دەدى.

سوڭعى جاڭالىقتار