2 قاراشا 2018, 01:59 990 0 ىشكى ساياسات اسەل انۋاربەك

بارشاعا ۇنايتىن قازاق بيدايى

قازاقستان 2017 جىلى ءىرى بيداي ەكسپورتتاۋشى ەلدەردىڭ رەيتينگىسىندە 11-ورىنعا تۇراقتادى. بۇل ءونىم  660 ميلليون 800 مىڭ دوللارعا ساۋدالاندى.  بيىل 7 ملن 700 مىڭ توننا استىق ەكسپورتتالماق.

وتكەن جىلى قازاقستان 2016 جىلمەن سالىستىرعاندا بيداي ساتۋ كولەمىن 47 پايىزعا امالسىز ازايتقان. ەڭ باستىسى، فرانتسيا،  گەرمانيا، اۋستراليا جانە اقش ەلدەرى دە 20 پايىزدان 50 پايىزعا دەيىن  تومەندەتكەنى بايقالادى. سوعان قاراماستان بۇل ەلدەر كوشباسشىلار تىزىمىندە ۇزدىك بەستىككە كىرەدى. جالپى،  الەمدىك ەكسپورتتىڭ شامامەن جارتىسىنا جۋىعى ەۋروپاعا تيەسىلى. ەكسپورتتىڭ ۇشتەن ءبىرى اقش پەن كاناداعا جونەلتىلگەن. الەمدىك نارىقتاعى بيدايدىڭ شامامەن 12 پايىزدان استامى اۋستراليادان، 2 پايىزدان استامىن  ازيا ەلدەرىنەن، تەك 0,1 پايىزىن افريكا قۇرلىعىنان جەتكىزەدى. ساراپشىلار  بيىل قازاقستان استىعىنا سۇرانىس جوعارى ەكەندىگىن ايتادى. اسىرەسە، قىتاي   مەن ازيا ەلدەرىنە ەكسپورتتالاتىن ءونىم كولەمى ارتپاق.

بيىل استىقتى جەتكىزۋ بويىنشا دا قيىندىقتار تۋىنداماۋى ءتيىس. «قازاقستان تەمىرجولى» استىقتى جەتكىزۋدىڭ تىڭ تاسىلدەرىن قولدانۋعا نيەتتى. ايتپاقشى، كومپانيا بيىل 456 جۇك ستانتسياسىن اۆتوماتتاندىردى. قازىر تاسىمالداۋ جۇمىستارىن اۆتوماتتاندىرىلعان جۇيە ىسكە اسىرادى. بۇگىندە بارلىق جۇك تيەۋ ستانتسياسى تولىق ىسكە قوسىلعان. رەسەي، قىتاي، ءازىربايجان جانە قىرعىزستان ەلەكتروندى اقپارات الماسۋى زاڭداستىرىلدى. سونىمەن قاتار 2019 جىلى تاجىكستان جانە وزبەكستانمەن ەلەكتروندى اقپارات الماسۋ جوسپارلانىپ وتىر.

سوڭعى جاڭالىقتار