12 قازان 2018, 12:56 2626 0 ماقساتتىڭ فوتو بلوگى ماقسات قۇسايىنوۆ

الماتىدا «التىن جۇرەك» سىيلىعىنا باستى ۇمىتكەرلەردىڭ ەسىمى بەلگىلى بولدى

«التىن جۇرەك» سىيلىعىنا كىم لايىقتى؟

5 قازان كۇنى الماتى قالاسىندا قايىرىمدىلىق اياسىنداعى «التىن جۇرەك» سىيلىعىنىڭ ۇزدىك نومينانتارى انىقتالدى.بيىل بارلىعى 300 ءوتىنىم كەلىپ ءتۇستى.

«التىن جۇرەك» ۇلتتىق سىيلىعىنىڭ ۇيىمداستىرۋشىلارى  12 جىل قاتارىنان ەلىمىز بويىنشا ناعىز مەيىربان، جانى جومارت جانداردى ىزدەپ كەلەدى. «قايىرىمدىلىق»  سىندى اسىل قاسەتتى بويلارىنا سىڭىرگەن التىن جۇرەكتەرگە العىس ايتىپ ەل الدىندا ماداقتاپ، ماراپاتتاپ ءجۇر.

اتالمىش شارا جىلسايىن «Baurzhan» قورىنىڭ باستاماسىمەن، «نۇر وتان» پارتياسى، «پەتروكازاحستان» اق جانە الماتى قالاسىنىڭ اكىمدىگىنىڭ قولداۋىمەن وتكىزىلەدى.

وسى جىلدار ىشىندە «التىن جۇرەك»- قايىرىمدىلىقتىڭ نىشانى ىسپەتتەس، قازاق حالقىنىڭ مەيىرىمدى ءارى اتىمتاي جومارت جاندارعا باي ەكەنىن بايقاتىپ كەلەدى. بەس اي بويى ۇلتتىق سىيلىق ۇيىمداستىرۋشىلارى ەلىمىز بويىنشا قايىرىمدىلىقپەن اينالىساتىن جانداردى ىزدەدى.

«جىل سايىن ۇيىمداستىرۋشىلار كوميتەتى قايىرىمدى ادامدار جاسايتىن تاريحتىڭ كۋاسى بولادى. بايقاساڭىز، التىن جۇرەكتى ادامداردىڭ  قاتارى تولىپ كەلەدى. بۇل قۋانتارلىق جايت. جىل سايىن قوعامعا سەپتىگىن تيگىزىپ، مۇمكىندىگى شەكتەۋلى جانداردىڭ جان-ايقايىن قۇلاقتان وتكىزبەي، بارىنشا قامكورلىق جاسالىپ، ۇلكەن جۇمىس اتقارىلىپ كەلەدى. ءبىز ءوز كەزەگىمىزدە وسى كومەكتى جۇزەگە اسىراتىن قايىرىمدى ادارمارعا العىس بىلدىرۋدەن شارشامايمىز!» - دەپ جوبا جەتەكشىسى گۇلزات ساحوۆا ءبولىستى.

 التىن جۇرەك اتىنا لايىق ۇمىتكەرلەردى سارالاۋ بارىسى بارلىق كەلىپ تۇسكەن وتىنىشتەر ىشىنەن 4-قازان وتكەن ساراپشىلار كەڭەسىندە ءار نوميناتسيا بويىنشا ءۇش ۇمىتكەردەن انىقتالدى: «جەتىم بالالارعا كورسەتكەن قامقورلىعى ءۇشىن»; «ءبىلىمدى دامىتۋعا قوسقان ۇلەسى ءۇشىن»; «مۇگەدەك جاندارعا كورسەتكەن قامقورلىعى ءۇشىن»; «سپورتتى دامىتىپ، ونى قولداعانى ءۇشىن»; «قارت ادامدارعا كورسەتكەن قۇرمەتى ءۇشىن»;  «اقپاراتتىق قولداۋشى»، «جىلدىڭ قايىرىمدى ادامى»; «جىل ۇيىمى»;  «دەنساۋلىق ساقتاۋ سالاسىنا قولداۋ كورسەتكەنى ءۇشىن»; «قازاقستاننىڭ وركەندەۋىنە قوسقان ۇلەسى ءۇشىن»; «قورشاعان ورتانى قورعاۋعا قوسقان ۇلەسى ءۇشىن»; «جىل مەتسەناتى».

شارانىڭ ماڭىزدىلىعى جايىندا عالىم-مەديك جانە امەريكا دەنساۋلىق ساقتاۋ اسسوتسياتسياسىنىڭ مۇشەسى الماس شارمان دا ايتىپ ءوتتى.

«التىن جۇرەك» سىيلىعىمەن بيىل بىرىنشە رەت تانىسىپ، ۇلكەن تاريحىنا ءۇڭىلۋ مۇمكىندىگى پايدا بولدى. بۇنداي جوبالار وتە قاجەت، سەبەبى ولار ادامداردى يگى ىستەرگە يتەرمەلەپ، قوعامدى العا قاراي جىلجىتاتىن مىقتى كۇش. ءوزىم قايىرىمدىلىقپەن اينالىساتىن بولعان سوڭ، بۇنداي جوبارلار ماعان وتە قىزىق. جالپى، بارلىق نوميناتسيالاردى قاراستىرىپ، دەنساۋلىق ساقتاۋ سالاسىنداعى جاسالعان قايىرىمدى ىستەر كوڭىلىمنەن شىقتى» - دەپ ايتىپ ءوتتى الماز شارمان.

سوڭعى وتكەن قوعامدىق كەڭەستە ءادىل-قازىلار مۇشەلىگىنە قازاقستاندىق قوعامدىق قايراتكەرلەرى  مەن باق وكىلدەرى قاتىستى. ولاردىڭ قاتارىنداساياساتكەر راسۋل جۇمالى، "Mary Kay Kazakhstan" باس ديرەكتورى كونستانتين كۋلينيچ، بيزنەس-حانىم، قوعام قايراتكەرى، قايىرىمدىلىق جوبالارىنىڭ اۆتورى، بالالارعا ارنالعان ء"ۇي وشاعىنىڭ سيقىرلى ەرتەگىلەرى" ەرتەگىلەرىنىڭ اۆتورى ۆيكتوريا مومينباەۆا، «Ecو Kultura» قك جەتەكشىسى، الەۋمەتتانۋشى الەسيا نۋگاەۆا جانە ت.ب قوعام قايراتكەرلەرى بار.

 بۇنداي قايىرىمدىق سىيلىقتىڭ قوعامعا بەرەرى كوپ ەكەندىگىن قوعامدىق كەڭەس مۇشەلەرى بىرىڭعاي ايتىپ ءوتتى.

«قازىرگى تاڭدا قوعامدا ادامدار اراسىندا جىلۋلىق مەن قامكورلىق سيرەكتەپ بارادى. وسى ماسەلەلەردى قاراستىرىپ، مۇمكىندىگى شەكتەۋلى ادامدارعا، قارت ادامدار مەن ارداگەرلەرگە كومەكتەسىپ جۇرگەن ادامداردى انىقتاپ الىپ، ولارعا قۇرمەت  كورسەتۋ، مەنىڭ ويىمشا، وتە دۇرىس. «التىن جۇرەك» سىيلىعى -  فيلوسوفياسى مەن قاعيدالارى جەتىلگەن، ادامدار اراسىندا ناسيحاتتاۋعا تۇرارلىق ءمان-ماڭىزى بار ۇلكەن جوبا»، - دەپ ەسەپتەيدى جازۋشىلار وداعى توراعاسىنىڭ ورىنباسارى مەرەكە قۇلكەنوۆ.

«التىن جۇرەك» ۇلتتىق سىيلىعىنىڭ جەڭىمپازدارى 2018 جىلى 27 قازان  كۇنى وتاندىق جۇلدىزدار مەن قوعامدىق قايراتكەرلەردىڭ  الماتى قالاسىندا ماراپاتتالاتىن بولادى.

«التىن جۇرەك-2018» قوعامدىق ۇلتتىق سىيلىعىنىڭ نومينانتتارى:

  1. «قازاقستاننىڭ وركەندەۋىنە قوسقان ۇلەسى ءۇشىن» نوميناتسياسى
  2. «Damiani» زەرگەرلىك برەندى (يتاليا)
  3. ولگا باتۋتينا ي يليا بايگابۋلوۆ (موسكۆا قالاسى، رف)
  4. ۆيكتوريا اكاتەۆا-كوستىلەۆا (سانكت-پەتەربۋرگ قالاسى، رف)
  1. «ءبىلىمدى دامىتۋعا قوسقان ۇلەسى ءۇشىن» نوميناتسياسى
  2. ەلدار ابدرازاكوۆ (الماتىق.)
  3. اسىلبەك كوجاحمەتوۆ (الماتى ق.)
  4. Samsung Electronics Central Eurasia (الماتىق.)
  1. «دەنساۋلىق ساقتاۋ سالاسىنا قولداۋ كورسەتكەنى ءۇشىن» نوميناتسياسى
  2. روزا اليمحانوۆا (قاراعاندى ق.)
  3. اينۋر تاجينا (استاناق.)
  4. يمانگازى يباتۋلى (اتىراۋق.)
  1. «ارداگەرلەرگە كورسەتكەن قۇرمەتىۇشىن» نوميناتسياسى
  2. او ترانسناتسيونالنايا كومپانيا «كازحروم» (اقتوبەق.)
  3. سەيداحمەت كالتاەۆ (جامبىل وبل، تارازق)
  4. سىرىم پەردەباەۆ (قاراعاندىوبل، پريوزەرسكق.)
  1. «جىل ۇيىمى» نوميناتسياسى
  2. بف «حارەكەت» (الماتى ق.)
  3. وف «دەتي ريسۋيۋت مير» (الماتىق.)
  4. او «راحات» (الماتىق.)
  1. «اقپاراتتىق قولداۋشى» نوميناتسياسى
  2. نوۆوستنوي پورتال «Tengrinews» (الماتىق.)
  3. تەلەكانال «كتك» (الماتىق.)
  4. مەديتسينسكي پورتال «www.bestdoctor.kz» (استاناق.)
  1. «جىل مەتسەناتى» نوميناتسياسى بويىنشا
  2. الپامىس شاريموۆ (ورال ق.)
  3. باگدات ساميدينوۆا (الماتىق.)
  4. سەرگەي گلۋشكوۆ (شىعىس قازاقستان وبل.، شەمونايحا اۋدانى، پەرۆومايسكي كەنتى)
  1. «سپورتتى دامىتىپ، ونى قولداعانى ءۇشىن» نوميناتسياسى
  2. ماراليتەگۋلوۆ (اقتوبەق.)
  3. الەكساندر ۆينوكۋروۆ (الماتىق.)
  4. ارمان ماشيموۆ (شىعىس قازاقستان وبل.، سەمەيق.)
  1. «قورشاعان ورتانى قورعاۋعا قوسقان ۇلەسى ءۇشىن» نوميناتسياسى
  2. ايجان سكاكوۆا (الماتىق.)
  3. ەكولوگيچەسكي پروەكت «تازالىك» (الماتىق.)
  4. كومپانيا «تەلە 2 كازاحستان» (الماتىق.)
  1. «جەتىم بالالارعا كورسەتكەن قامقورلىعى ءۇشىن» نوميناتسياسى
  2. انار احمەتتسينا (اقتوبەوبل.، پوسەلوك كەنكياك)
  3. اندرەي ساۆچۋك (استاناق.)
  4. گۋلنار كابىلبەكوۆا (الماتىوبل.، گ. ۋشتوبە)
  1. «جىلدىڭ قايىرىمدى ادامى» نوميناتسياسى
  2. بۋلات ۋتەمۋراتوۆ (الماتىق.)
  3. الەكساندر كاسيتسىن (پاۆلودارق.)
  4. كايرات كۋدايبەرگەنوۆ (الماتىق.)

 

  1. «مۇگەدەك جاندارعا كورسەتكەن قامقورلىعى ءۇشىن» نوميناتسياسى
  2. كورپوراتيۆنىي فوند «سمەلوست بىت پەرۆىم» (الماتىق.)
  3. نۋرجان الجانوۆا (الماتىق.)
  4. او «شينحان بانك كازاحستان» (الماتىق.)

سوڭعى جاڭالىقتار