10 قازان 2018, 16:40 1290 0 قوعام نازىم تويلىباەۆا

الماتى وبلىسىندا 100 مىڭعا جۋىق ادامنىڭ جالاقىسى وسەدى

الماتى وبلىسىندا 100 مىڭعا جۋىق ادامنىڭ جالاقىسى وسەدى. بۇل جونىندە ءوڭىر باسشىسى اماندىق باتالوۆ جولداۋدى تالقىلاۋعا ارنالعان جيىندا ءمالىم ەتتى، دەپ حابارلايدى قازاقپارات ءتىلشىسى.

«ەلباسى جولداۋدا ۇكىمەتكە 2019 جىلدىڭ 1 قاڭتارىنان باستاپ ەڭ تومەنگى جالاقىنى ءبىر جارىم ەسەگە كوتەرۋدى تاپسىردى. ياعني، جالاقى 28 مىڭ تەڭگەدەن 42 مىڭ تەڭگەگە دەيىن وسەدى. بۇل وبلىستىڭ 100 مىڭعا جۋىق حالقىنا تىكەلەي قاتىستى، سونىڭ ىشىندە 41 مىڭ بيۋدجەتتىك ۇيىم قىزمەتكەرلەرىنە ەڭبەكاقى ورتا ەسەپپەن 35%-كە وسەدى»، -  دەدى الماتى وبلىسىنىڭ اكىمى ا. باتالوۆ.

وسىعان وراي، ءوڭىر باسشىسى  وبلىس اكىمىنىڭ ورىنباسارى جەڭىس تۇياقوۆقا، ەكونوميكا جانە بيۋدجەتتىك جوسپارلاۋ باسقارماسىنا قارجى قاجەتتىلىگىن انىقتاپ، ونى 2019 جىلعا ارنالعان بيۋدجەتتە قاراستىرۋدى تاپسىردى.

ەستەرىڭىزگە سالا كەتەيىك، بۇگىن تالدىقورعاندا ەلباسى جولداۋىن تالقىلاۋعا ارنالعان اكتيۆ جيىنى ءوتتى. وعان الماتى وبلىسىنىڭ بارلىق اۋدان، قالا اكىمدەرى مەن باسقارما باسشىلارى قاتىستى. جيىنعا اماندىق باتالوۆ توراعالىق ەتتى.

سوڭعى جاڭالىقتار