2 قازان 2018, 15:57 974 0 قاۋىپسىزدىك نازىم تويلىباەۆا

بىرنەشە ساعاتتىڭ ىشىندە بەس كولىك تونالدى

تالدىقورعاننىڭ پاترۋلدىك پوليتسەيلەرى تۇنگى ۋاقىتتا اۋلادا تۇرعان كولىكتەردى توناعان ەكى ەر ادامدى ۇستادى، دەپ حابارلايدى قازاقپارات ءتىلشىسى.

وبلىستىق ءىىد ءمالىم ەتكەندەي، كۇدىكتىلەرگە كوپ قاباتتى تۇرعىن ءۇيدىڭ اۋلاسىنداعى كولىكتەردى توناعان. ولارعا بىرنەشە ساعاتتا بەس ۇرلىق جاسادى دەگەن ايىپ تاعىلدى. زاتتاي ايعاقتاردىڭ اراسىندا ۇرلانعان رادار، ماگنيتولا، قۇجاتتار، ءامياندار جانە ت.ب. بار.

«كۇدىكتىلەر قالا كوشەلەرىندە ورناتىلعان ۆيدەوباقىلاۋ كامەرالارىنىڭ كومەگىمەن انىقتالدى. «بۇركىت» پاترۋلدىك ەكيپاجى كۇدىكتىلەردى ۇستاپ، پوليتسياعا جەتكىزدى. ۇستالعانداردىڭ اراسىندا بۇرىن ءىستى بولعان جىگىتتەن ۇرلانعان زاتتاردىڭ ءبىر بولىگى تابىلدى. قازىر قر قك-ءنىڭ 188-بابى بويىنشا سوتقا دەيىنگى تەرگەۋ جۇمىستارى باستالدى»، - دەپ حابارلادى دەپارتامەنتتىڭ ءباسپاسوز قىزمەتى.

وبلىستاعى 766 ۆيدەوباقىلاۋ كامەراسىنىڭ 669-ى تالدىقورعان قالاسىندا ورناتىلعان.

«بيىل وبلىس ورتالىعىندا كامەرالاردىڭ كومەگىمەن 98 قىلمىس اشكەرەلەنىپ، 5 مىڭ اكىمشىلىك قۇقىق بۋزىشىلىق انىقتالدى»، - دەدى وبلىستىق پوليتسيادا.

 

سوڭعى جاڭالىقتار