13 قىركۇيەك 2018, 14:47 1324 0 قوعام Túrkistan Gazeti

تاكەن الىمقۇلوۆقا ارنالعان تۋرنير

وتكەن اپتادا ادەبيەتشىلەر ۇيىندە قازاقستان جازۋشىلار وداعى مەن «قازاق گازەتتەرى» سەرىكتەستىگىنە قاراستى «اقيقات» ۇلتتىق، قوعامدىق-ساياسي جۋرنا­لىنىڭ ۇيىمداستىرۋىمەن قازاقتىڭ كورنەكتى جازۋشىسى تاكەن الىمقۇلوۆتىڭ 100 جىلدىعىنا وراي جۋرناليستەر ارا­سىندا شاحمات ءتۋرنيرى ءوتتى. وسىمەن بە­سىنشى رەت ۇيىمداستىرىلىپ وتىرعان ءداس­تۇرلى شاراعا استانا، الماتى جانە تالدىقورعان قالالارىنان كەلگەن باق وكىل­دەرى قاتىستى. تۋرنيرگە سپورت شەبەرى، جەكەمەنشىك شاحمات مەكتەبىنىڭ باسشىسى داۋلەت يمانبەرلينوۆ تورەلىك ەتتى. ءىس-شاراعا تاكەن الىمقۇلوۆتىڭ وتباسى دەمەۋشىلىك جاسادى.

شاحمات ءتۋرنيرىن «قازاق گازەتتەرى» جشس باس ديرەكتورىنىڭ ورىنباسارى ءلاززات نوعايباەۆا قۇتتىقتاۋ ءسوز سويلەپ اشىپ، قر مەملەكەتتىك سىيلىعىنىڭ لاۋرەاتى، اقىن ەسەنعالي راۋشانوۆ، جازۋشىنىڭ جارى ەسىمكۇل بولىسبايقىزى تاكەن الىمقۇلوۆتىڭ ونەگەلى عۇمىرى مەن شىعارماشىلىق شەبەرلىگى جايىندا ەستەلىكتەر ايتتى.

قىزىقتى دا تارتىستى وتكەن شاحمات سايىسىنىڭ قورىتىندىسى بويىنشا نۇرلان قۇمار ءبىرىنشى ورىن السا، جۇلدەلى ەكىنشى، ءۇشىنشى ورىندارعا زەينەل جەكەيۇلى مەن تىلەك ابدراحىموۆ يە بولدى. ويىننىڭ ىنتالاندىرۋ سىيلىقتارى دانيار سەيسەنباەۆ، عابيت قاراباەۆ جانە ارداگەر قاتىسۋشى ءتاجىباي جاقاەۆقا بەرىلدى. سونداي-اق، ناۋرىزباي اۋدانى «جاس وتان» جاستار قاناتىنىڭ توراعاسى ەرنار ايداروۆ تۋرنيردە بەلسەندىلىك تانىتقان جاس جۋرناليستەردى العىس حاتتارمەن ماراپاتتادى. سونداي-اق، «قازاق گازەتتەرى» جشس تاراپىنان تورەشى داۋلەت يمانبەرلينوۆكە، ءتۋرنيردى ۇيىمداستىرۋعا قوسقان ۇلەسى ءۇشىن جازۋشى بەيبىت سارىبايعا جانە ت.الىمقۇلوۆتىڭ زايىبى ەسىمكۇل بولىسبايقىزىنا العىس حات تابىستالىپ، قۇرمەت كورسەتىلدى.

سوڭعى جاڭالىقتار