13 قىركۇيەك 2018, 10:51 1164 0 قوعام دينارا مىڭجاسارقىزى

كۇننەن قۋات الامىز

الماتى وبلىسىنىڭ قاپشاعاي قالاسى ماڭىندا قۋاتى 150 مۆت-تىق قازاقستانداعى ەڭ ءىرى كۇن ەلەكتر ستانساسىنىڭ قۇرىلىسى باستالىپ كەتتى. مامانداردىڭ ايتۋىنشا، جوبانىڭ 1-كەزەڭى 2019 جىلدىڭ I توقسانىندا، ال 2-كەزەڭى III توقسانىندا اياقتالىپ، ىسكە قوسىلماق. مۇندا ورناتىلىپ جاتقان قۇرال-جابدىقتاردىڭ باسىم بولىگى گەرمانيادا وندىرىلگەن.

قۇرىلىسقا 500 ادام جۇمىلدىرىلىپ وتىر. نىسان ىسكە قوسىلعاندا 26 ادام تۇراقتى جۇمىس ورنىمەن قامتاماسىز ەتىلەتىن بولادى. كۇن ەلەكتر ستانساسىن قاپشاعاي قالاسىنىڭ ماڭىندا، ناقتى ايتقاندا شەڭگەلدى سەلولىق وكرۋگىنىڭ اۋماعىندا ورنالاستىرۋدىڭ نەگىزگى سەبەبى، ءدال وسى جەردە جىل بويى اشىق، ساۋلەلى اۋا رايى ساقتالعان. ءوڭىر باسشىسى اماندىق باتالوۆ وسىنداي كۇشتى كۇن ەلەكتر ستانساسىنىڭ سالىنۋى – وبلىس ءۇشىن ماڭىزى زور جوبا ەكەندىگىن، بۇل بىرىنشىدەن «جاسىل» ەنەرگەتيكانى دامىتسا، ەكىنشىدەن ءوڭىردىڭ ەلەكتر قۋاتىنا دەگەن قاجەتتىلىگىن ازايتۋعا ءوز ىقپالىن تيگىزەتىنىن جەتكىزدى.

سوڭعى جاڭالىقتار