20 تامىز 2018, 11:08 1379 0 ىشكى ساياسات نازىم تويلىباەۆا

"7-20-25" باعدارلاماسىن جالعان جارناماعا پايدالاناتىندار كوبەيدى

عالامتور مەن الەۋمەتتىك جەلىلەردە قۇرىلىس كومپانيالارى مەن تۇرعىن ءۇي كووپەراتيۆتەرىنىڭ "7-20-25" باعدارلاماسىنىڭ اتىن جامىلعان قيتۇرقى اقپاراتتارى كوبەيىپ بارادى، دەپ حابارلايدى Baq.kz اقپارات اگەنتتىگى.

«باسپانا» يپوتەكالىق ۇيىمىنىڭ مالىمەتتەرىنە قاراعاندا، 0-20-25, 5-19-25, 5-10-25 سىندى ءتۇرلى اكتسيالار پايدا بولدى. الايدا ولاردىڭ شارتتارى "7-20-25" باعدارلاماسىنىڭ شارتتارىنا مۇلدەم سايكەس كەلمەيدى. ولاردىڭ "7-20-25" باعدارلاماسىنا ەش قاتىسى جوق.

«مىسالى، 25 - جىلىنا بەرىلەتىن نەسيە ەمەس، 25 ايعا عانا سوزىلعان نەسيە بولۋ مۇمكىن. سونىمەن قاتار، كەي كەزدەرى مۇنداي اكتسيالاردا 20 سانى العاشقى جارنا ەمەس، نەسيە بويىنشا ۇستەمە مولشەرلەمەسى بولىپ شىعادى» - دەپ جازىلعان ۇيىم ەسكەرتپەسىندە.

"باسپانا" يپوتەكالىق ۇيىمى، كەيىن ءتۇرلى تۇسىنىسپەۋشىلىكتەر تۋىنداماۋ ءۇشىن، حالىقتى مۇنداي اكتسيالار مەن جارناماعا وتە ساق بولۋعا شاقىرادى.

«7-20-25" باعدارلاماسى بويىنشا يپوتەكالىق نەسيەنى تەك قانا باعدارلامانىڭ سەرىكتەس-بانكتەرى بەرە الاتىنىن ەسكە سالامىز. قازىرگى تاڭدا، ولار: تسەنتركرەديت بانكى، اتفبانك، تسەسنابانك، Bank RBK مەن ەۆرازيالىق بانك. ال قۇرىلىس كومپانياسى نەمەسە تۇرعىن ءۇي كووپەراتيۆتەرى ەش ۋاقىتتا "7-20-25" باعدارلاماسىمەن نەسيە بەرە المايدى» - دەيدى ماماندار.

سونىمەن بىرگە، ۇيىم مۇشەلەرى قۇرىلىس كومپانياسى ۇسىنعان ءبولىپ تولەۋ "7-20-25" باعدارلاماسىنا جاتپايدىتىنىن دا ەستەرىڭىزگە سالادى.

"بۇگىنگى تاڭدا "7-20-25" باعدارلاماسىنىڭ شارتتارى نارىقتاعى ەڭ ءتيىمدى ۇسىنىس بولىپ وتىر. تيىسىنشە، وسى نارىقتاعى ءتۇرلى كومپانيالاردىڭ پرەزيدەنتتىك باعدارلامانىڭ اتىن جامىلىپ، ءوز ونىمدەرىن وتكىزۋگە ۇمتىلاتىندارى دا بايقالادى. ءبىز نارىقتىڭ دامۋىن قولدايمىز، الايدا ولاي حالىقتى الداۋعا تۇبەگەيلى قارسىمىز", - دەيدى "باسپانا" يپوتەكالىق ۇيىمىنىڭ باسشىسى قايرات التىنبەكوۆ.

"باسپانا" يپوتەكالىق ۇيىمى ماماندارى، ءۇي باعاسى مەن نەسيە مەرزىمىنە سايكەس، اي سايىنعى تولەمدەردىڭ كەستەسىن ازىرلەگەن. تومەندە سول كەستەنى ۇسىنىپ وتىرمىز.

سوڭعى جاڭالىقتار