20 ماۋسىم 2018, 10:38 4797 0 زاڭ نازىم تويلىباەۆا

وڭتۇستىك قازاقستان تۇركىستان وبلىسى بولىپ قايتا قۇرىلدى

قازاقستان پرەزيدەنتى نۇرسۇلتان نازارباەۆ وڭتۇستىك قازاقستان وبلىسىن تۇركىستان وبلىسى دەپ قايتا قۇرۋ تۋرالى جارلىق شىعاردى.

اقوردانىڭ ءباسپاسوز قىزمەتىنىڭ حابارلاۋىنشا، نازارباەۆ "قازاقستان رەسپۋبليكاسىنىڭ اكىمشىلىك-اۋماقتىق قۇرىلىمى تۋرالى" زاڭىنىڭ 3-بابى 1-بولىمىنە ساي تۇركىستان وبلىسىنىڭ ورتالىعى تۇركىستان قالاسى بولاتىنى، ال حالقىنىڭ سانى ميلليونعا جەتكەن شىمكەنت قالاسىنا رەسپۋبليكالىق ماڭىزى بار قالا مارتەبەسى بەرىلگەنى تۋرالى جارلىعىن جاريالادى.

پرەزيدەنتتىڭ ايتۋىنشا، استانا مەن الماتى قالالارى سياقتى رەسۋبليكالىق ماڭىزى بار قالا مارتەبەسىن العان شىمكەنت اكىمشىلىك بىرلىگى ەلدەگى ون جەتىنشى ايماق بولادى.

5 ماۋسىمدا وڭتۇستىك قازاقستان وبلىسىنىڭ ءماسليحاتى وبلىس ورتالىعىن شىمكەنتتەن 262 مىڭ تۇرعىنى بار تۇركىستانعا كوشىرۋ تۋرالى جانە شىمكەنت قالاسىنا رەسپۋبليكالىق ماڭىزى بار قالا مارتەبەسىن بەرۋ تۋرالى ۇسىنىستى ماقۇلداپ، ۇكىمەتكە جولداعان.

تۇركىستان شىمكەنتتەن سولتۇستىك-باتىس جاعىندا 170 شاقىرىم قاشىقتىقتا ورنالاسقان. قالا سانى 260 مىڭ ادامدى قۇرايدى. تۇركىستاندا XIV عاسىردىڭ سوڭىندا تۇرعىزىلعان ارحيتەكتۋرالىق عيمارات احمەت ياسساۋي كەسەنەسى بار. وندا قازاقتىڭ حان، بيلەرى جەرلەنگەن.

سوڭعى جاڭالىقتار